وقت الشدايد بان معدن رجاله** تميز الهافي وتكسب مناعير..
وقت الشدايد بان معدن رجاله= تميز الهافي وتكسب مناعير
النعم ماكل من تعنى يناله =النعم يبغى له نوايا مغاتير
بعض اللحى ياطيب فعله وفاله= في لازمك ماساق دونه معاذير
يفزع ولو الوضع فاق احتماله= مع الخوي محزمه لو وقته يجير
ماشال هم الحمل لو ارتكاله =وان جاه وقت الفعل كنه تباشير
الحمل ماعاقه على المتن شاله= ازريت فعله لا اوصفه بالتعابير
وارث سلوم المرجله والشكاله= دون الرفاقه مايجي منه تقصير
ياطيب فعله كل ناموس ناله =وافي شبر فارق بفعله عن الغير
ورد الجمايل عنه مارخى حباله= يردها من طيبه ابدون تكدير
وبعض اللحى ماتستحق الجماله =مثل الصبخ في زود ماها مخاسير
وقت الشدايد بان معدن رجاله** تميز الهافي وتكسب مناعير.. 
رد: وقت الشدايد بان معدن رجاله** تميز الهافي وتكسب مناعير.. 
العرض العادي
