يالله ياعالم خفا مايخفا

لمن يستحق المديح ، لافي بن سعد العفري

يالله ياعالم خفا مايخفا =لو هو حديث النفس ما عنك خافي
تفرج لعينٍ بالسهر ما تعفا =عن حلو لذات الكرا به تجافي
قافٍ بدعته ببن عمي على آفا =ومن عادتي اقلّط البيت وافي
لي ابن عمٍّ كال وبالكيل وفا =افخر وأقول أنا ولد عم لافي
راعي دلالٍ جمرها ما يطفا =ترعف من البن اليماني رعافي
حرٍّ على فعل المواجيب رفا =رفيف حرٍّ بالجناحين ضافي
لامن كلٍّ عن رفيقه تدفا =ياقف برجلٍ ما تمل الوقافي
يضرب بيمنىً جعلها ما تكفا =وقت الشدايد لا ارتهب كل هافي

الشاعر / تركي بن قبلان الفريدي

صح لسان الشاعر
تركي بن قبلان الفريدي
والاخ لافي يستاهل المدح
الف شكر اخوي ابو مهند العفري على الاضافه لاهنت

صح لسان تركي قبلان ..
ونتمنى معرفة لافي
شكراً لك ابو مهند على الاضافه الجزله والجميله
احترامي لك يابو مهند

صح لسان الشاعر
تركي بن قبلان الفريدي
و يستاهل الممدوح
ولاهنت يابو مهند على الاضافه
تحيتي لك

صحت أبدانكم يإخووةأسعدنا إطلاتكم ومداخلاتكم
لكم منا التحية والسلام .

صح لسان تركي على هذه الرائعة من شاعر وافي
ويستاهل المدح ابو معاذ الاخ والصديق والعزيز على النفس
وعيال عمي سعد بن فويران العفري نعم الرجال اهل رفقه وكرم
وشكرا لك ابا مهند على الاضافة الكريمه
وتساهل درتك التنسيق والاهتمام
لاعدمتك

أخونا الغالي خلف. لاعدمناكالقلوب شواهد الله يسعدك ؛ بل أنت الصاحب واهل
لرفقة والكرم ؛ أشكرك ع مداخلتك وردك الذي افحمني ع الرد
وكلامك الذي خارج من قلب محب وصادق ومخلص
بارك الله فيك ياولد العم

رائعة جداً صح لسان الشاعر / تركي بن قبلان ..

ويستاهل / لافي بن سعد العفري ( ولا يمدح الناس إلا أفضلهم )

كل الشكر لك مبدعنا ( أبو مهند العفري )

أخوي فهد الطميشاء تستاهل الطيب والله

وصح بدنك يابن العم ع الثناء المخلص
ومنبعك الابداع والطيب دامت ايامك بالمسرات
كما اشكرك ع تفاعلك لمواضيعي المطروحة كعادتك
في وحي القلم
محبك / مرضي سعد العفري