اليا إجتمع دلبوح مع زيد وعبيد

الى اخوي الكبيربقدره
علي بن زيد الفريدي مصافحتي الاولى هذه القصيده المتواضعه
ارجو ان تليق بمقامك وتنال استحسان الجميع
القصيده:-

يالمنتداء وصل سلامي علي زيد=وايضاً تحياتي وجل احترامي
مني لبو خالد سلامٍ وتمجيد=علي ولد عمي عضيدي حزامي
لاكلّح الشارب عن الناب تحديد=يعرف مقامه عز ذاك المقامي
ابيه ينظر واقعٍ دون تأكيد=مدري غطاه قبيس ولاّ كتامي
ولاّ تولّوه العيال الاواليد=اللي على كيس الرصيص حيامي
ذباحتن للي بعيدن ورى الحيد=من دون قطع الروس يكف الكلامي
اليا اجتمع دلبوح مع زيد وعبيد=صالوا على التاريخ والعج قامي
وصاروا هم الفريس قطاعة البيد=والغوا مواقيف الرجال الكرامي
الوضع ماهو زين لا انقص ولا ازيد=الوضع مبحلني قليل الرحامي

وهذا ردي على /الاخ الفاضل غازي بن عجاب حفظه الله الله

أهلا هلا ما سار بالبر من غيد = وإعداد من صلى الفريضة وصامى
برسالة أللي عقبوه الأجاويد = اللي لهم بين الرجال أحترامي
العلم ناصيني وأنا ماأقدر أحيد = علم خلي من جميع الأسامي
ياغازي أن جالك ضعوف مقاريد = جنب عن الغاوي ولا تصير عامي
الهرج مايبغى متابع وتطريد = ليا مال قل خلصت باقي دوامي
وأنا سندك أن عاضبن المواريد = أرفع مقامك ياعزيز المقامي
بعض العرب عيد قبل موعد العيد = وبعض الاوادم يخلفون النظامي
لاشك ساهر له هجوم ومواعيد = والحق مايخفيه عنهم حرامي
الناس وقت الجوع تبحث عن الصيد = واليوم كل مهتني بالمنامي
لاتقطع ذراعك توقع عن الكيد = جامل وصك النافذه باللحامي
أليا صار في وجه الليالي تجاعيد = البيت واحد لو سكن فيه شامي
مانختلف بالطيبة والتقاليد = من ربعة في كل موقف كرامي
ياناقلين السيف معنا بواريد = واليا وردنا يشربن الظوامي
ماهي سواليف الرخوم الملابيد= اللي تضيع علومهم بالدرامي
هذا كلامي نصح ماهو بتعميد = وأقبل تحياتي مع أزكى سلامي

ياسلام ياسلام اسناد ورد في قمت الابداع يليق في مقام شاعرين غنيان عن التعريف . سجلو اعجابي تحياتي للجميع وكل عام وانتم بخير .

ابو فيصل صح لسانك مليون
على الاسناد الجزل ولايستغرب منك
مثل هذا النص الفاخر لاهنت
وصح لسان الشاعر علي زيد على الرد الوافي
بيض الله وجيهكم امتعتونا بهذه المساجله الجزله

تشرف المساجلات بالشاعرين غازي بن عجاب ابوزوايد الفريدي والشاعر على زيد الفريدي

صح السنتكم عقد وأكتمل مطرز باللأماس ياسلام على الأبداع

ابو فيصل الف شكر على المعايده العطر والمميزه كماء أشكر على الأضافه

تقبل مني أجمل التحايا والمنى تحياتي الحاره لكم

صح لسان الشاعرين علي بن زيد وغازي ابن عجاب
مشكور ابوفيصل على إيراد القصيدة

صح لسانك ولسان ابو خالد ..
اسناد موضوعي جميل ورد لايقل جمالاً ابداع يابو فيصل لاعدمناك
تحياتي

المشاركة الأصلية كتبت بواسطة الجديد

ياسلام ياسلام اسناد ورد في قمت الابداع يليق في مقام شاعرين غنيان عن التعريف . سجلو اعجابي تحياتي للجميع وكل عام وانتم بخير .

اخوي
الجديد ابو فايز
اسعدني مرورك وأسعدني اعجابك لاهنت
دمت ودام تواجدك
تحيتي

المشاركة الأصلية كتبت بواسطة ابوحمد

ابو فيصل صح لسانك مليون
على الاسناد الجزل ولايستغرب منك
مثل هذا النص الفاخر لاهنت
وصح لسان الشاعر علي زيد على الرد الوافي
بيض الله وجيهكم امتعتونا بهذه المساجله الجزله

وانت وجهك ابيض اخوي ابو حمد
على المرور العطر والاشاده
تحيتي

المشاركة الأصلية كتبت بواسطة ابوحمد

ابو فيصل صح لسانك مليون
على الاسناد الجزل ولايستغرب منك
مثل هذا النص الفاخر لاهنت
وصح لسان الشاعر علي زيد على الرد الوافي
بيض الله وجيهكم امتعتونا بهذه المساجله الجزله

وانت وجهك ابيض اخوي ابو حمد
على المرور العطر والاشاده
تحيتي

صح لسانك أبو فيصل ..

مساجلة رائعة ..