ياصاحب الفكره تراني مجسر للشاعر / شريف

السلام عليكم ورحمة وبركاته
كان لي شرف مقابلة الشاعر الكبير / شريف الفريدي وقد امتعنا

بشئ من قصائده الرائعة واللتي يعجز اللسان عن وصفها وعذري

بذلك أن الشاعر أهدى للمجالس مجموعة لاباس بها سوف أتحفكم

بها تباعاً بإذن الله تعالى .

وبعض القصائد لاتحتاج مقدمة فهي تُقدم لنفسها ومنها هذه القصيدة

لشاعرنا المبدع / شريف الفريدي

	خلاص يالصاحب معي لاتخسّر=ما والله ارفع لك على الراي رايه تبي من المعنى آخذ اللي تيسّر=وانا انفراد القاف عندي هوايه ياصاحب الفكره تراني مجسّر=بتاييد من ناس ٍ ورا مستوايه احدٍ يعسر القاف لجل يتعسّر=واحدٍ يعسره منطقه بالقرايه لاحظت يوم ان المعاني تفسّر=اشراف قوم ٍ تتهم بالهمايه و اخاف من سرقة خطاة الموسّر=من البيوت اللي عليهن حمايه لوكان قافي ياعزيزي مكسّر=والله لعدّل بالنصيحه خطايه ما اصادق الغلطان لين يتحسّر=ولا اضحك على الغاوي تجي لي غوايه

بسم الله

ما اصادق الغلطان لين يتحسر=ولا اضحك على الغاوي تجي لي غوايه

جزالة في المضمون والسبك وحكمة رجل مجرب
صح لسان ابو محمد
وسلمت يمينك ابو محمد منصور على نقل هذه الرائعه كعادتك
والمرة القادمه ودنا يابو محمد بغزليه او نصيحه من روائع شريف فعنده الكثير
لاعدمنا الجهود والزنود
وشكرا

طلباتك اوامر يبو عبدالعزيز

لاكن ترى غزل شريف مؤثر جدا وانت تعرفه وفيه قلوب خضر


وابشر عندي مجموعة اهداها للمجالس وباقي خير ان شاء الله بالطريق


لك ازكى تحيه يالفريد

صح لسان الشاعر شريف ومشكور على النقل والجهد




نازف الحرف

~*¤ô§ô¤*~*¤ô§ô¤*~

مبدع قليلة في حقك ..

صح لسان الشاعر شريف ..

ومشكور على النقل والجهد المبذول

~*¤ô§ô¤*~*¤ô§ô¤*~

نازف الحرف



ابو العز


صحت ابدانكم ومشكورين احبتي على مروركم

منصور الوسوس

شكراً على جهودك . . بذلك . . جزالتك

الشاعر الكبير / شريف من أساتذة الشعر الكبار في القبيلة ووجود قصائدة بيننا فخر وفائدة لنا جميعاً

كبير يابو محمد وتنقل وتتحفنا بالجزالة دوماً

دمت على المحبة والتقدير بعيون الرضى والشكر لمجهودك

لاهنت اخي مقبل اشكرك على تعليقك وصدقت فيما قلت بخصوص شريف

فهو شاعر جزل لم يخدمه الاعلام والسبب عدم محبة لذلك لديه قصائد تكفي

لثلاث مجلدات بدون مبالغة وجميعها جزلة بماتعنيه الكلمة من معنى لعلنا نضع

له ديون في قسم الدواوين ولولا انشغالي لبدأت بذلك

منصور الوسوس




بيض الله وجهك ...



قمة الجزالة في هذه القصيدة


والشاعر أبو محمد


شاعر غني عن التعريف يتميز شعرة جودة السبك وقوة المعنى ..


لاهنت يالغالي ..

ابن راشد

ومن قال لاهان يبن راشد تاج روسنا


صح بدنك وسلمت يالغالي

لك ازكى تحية على مرورك