اللـي بعـد ماغـاب عنـكـم بكـيـتــوه=كـم صـار لـه مـعـكـم ولحـدٍ درابـه ..
ياليتـكـم ملتـوا عـلـيـه وسـألتـــوه=ســؤالكـم يمـكـن يغـيّـر جـــوابــه ..
لكـن خذيـتـوا كـل شـي وتركتـوه=لضيقـــتـة ولعـزلـتـه واغـتـرابـه ..
اليـوم بـس اليـوم يعـنــي فـقـدتــوه=وهو له سنه من يوم ما اقفت ركابه ..
لو كان فيكم خير .. كنتوا ذكرتوه=قبل الزمن يسرق ملامح شبابه ..
يعني عشانه ما اشتكى .. ما سمعتوه=هذا الخطأ اللي ما حسبتوا حسابه ..
ما قد عرض شكواه حتى على أخوه=شلون اجل يشكي عليكم صوابه ؟
طبعه يموت ولا ألحق الغيم مشروه=عــزة ظـمـأ .. ولا مـذّلـة سحـابـه ؟
اقفى .. عساه مجار من كل مكروه=راسه عزيز .. وراس ماله ثيابه ..
وعفّة يديه اللي خذاها من أبوه=و صبره على جوعه وقلّة زهابه ..
خلّه يتوه بكيفه .. احسن ولا يتوه=بـ يدين ناسٍ شرعها شرع غابه ..
الذيب فيها من سلك درب مشبوه=واللي ما هو ذيبٍ كلته الذيابه..
يا ما أنبنى من حلم فينا وهدّوه=وقتٍ غريب وناسٍ أكثر غرابه ..
صدق القناعة كنز .. لكن هم أفنوه=و حتى الأصابـع علمـوها تشابــه ..
ما دام صوتك من ورى الباب مسفوه=يا ريـح هـدّي باب مـن سـدّ بابــه ..
والصاحب اللي غاب لو هم تناسوه=قـولــي لـهـم لا يفـرحـون بغيابـه ..
هـم حصّـلوا في غيابه اللي تمـنّـوه=بس الوعد لا من برى من صوابه..
اللـي بعـد ماغـاب عنـكـم بكـيـتــوه**كـم صـار لـه مـعـكـم ولحـدٍ درابـه..!! 
رد: اللـي بعـد ماغـاب عنـكـم بكـيـتــوه**كـم صـار لـه مـعـكـم ولحـدٍ درابـه..!! 
العرض العادي
