شكر وتقدير...الى من جسدوا اسمى معاني التلاحم والوفاء ونقشوا على صدر التاريخ اروع صور التضحية والعطاء في سبيل إعتاق الشاب/خالد هزاع الحربي من القصاص,
بتأمين مبلغ(30) مليون في وقت قياسي قبل ان يسبق السيف العذل فقد اعتقوا رقبة خالد من الموت ورهنوا رقابنا بجميلهم ونالوا اعلى منازل العز والشرف والشموخ عندما تسيدوا
الموقف وامتلكوا زمام المبادره وفي طليعتهم:الشيخ/بندر بن عبدالمحسن الفرم الشيخ/ عبدالرزاق منور اللهيبي الشيخ/صلاح حضيض الزبالي فضيلة الشيخ/ صالح المغامسي
/الشيخ/فيصل بن وطبان الدويش والشكر موصول الي كل من ساهموا بالجاه والمال والجهود من قبيلة مطير
ومن سائر القبائل والاسر من اهل الخير جعل الله ذلك في موازين حسناتهم واعتق رقابهم من النار .
والشكر اولا واخير لرمز العدل والجود والصفح خادم الحرمين الشريفين/الملك عبدالله بن عبدالعزيز. وولي عهده الامين ادام الله عزهم وابقاهم ذخرا للاسلام والمسلمين
أحبتي الكرام من خلال هذا الصرح الراقي يبدع ابناء القبيلة حسب مواهبهم وابداعهم والشعر دائماً يخلد المواقف ويرصد مايتم من أحداث من هنا كانت هذه القصيدة التي تعودنا من شاعرها الاعلامي الاستاذ : رشيد بن محمد الفريدي . الذي سطر تلك المقطوعة الادبية من أجلكم ومن أجل قبيلة حرب ومن أجل موقف القبيلة عامة لإعتاق رقبة أحد ابناء القبيلة : خالد هزاع الحربي .... أترككم مع القصيدة ::::
ياسلامي على ربعي وسام القصيد =محزمي..تاج راسي طيبهم لي قناد
كل ماسطروا للمجد علم جديد=يتقادح براسي مثل قدح الزناد
قسمهم بالمكارم جزل ماهو زهيد=واسمهم كاسبينه من ظهور الجياد
حرب وقت الشدايد راس مال ورصيد=يعتقون الاسير ويكرهون العناد
للخوي في وفاهم يشهد ابن رشيد=والبلالي لجاره راح عمره نفاد
وقصة اعتاق خالد ماوراها مزيد=شرفت للجميع وحققت للمراد
المقادير تحكم والمحابل تصيد=والقضاء والقدر بيدين رب العباد
المصايب لاصارت مابها مستفيد=من بعضها يذوب القلب لو هو جماد
اربع سنين خالد حاسبينه فقيد=وام خالد حزينه مااهتنت بالرقاد
شذرة السيف صارت قرب حبل الوريد=واصبح العيد الاول للنهايه معاد
اشهد ان اللهيبي في مقامه فريد=ارتكى للمهمه واعتلا بالشداد
اختصر للجدال ودوم رايه سديد=التزم بالوفاء عن حرب طير الهداد
المهمه جسيمه والهقاوي بعيد=ومهلة اعتاق خالد طول حبل القياد
وقامت جموع حرب اللي تفل الحديد=ساهموا من يبون الاجر يوم التناد
ياصلاح الزبالي عل عمرك مديد=بيض الله وجهك ياالشجيع الجواد
وقفتك يابن عمي عن قبايل زبيد=اهل وادي حجر..واهل السيوف الحداد
يوم بعض العرب للمال صاروا عبيد=رايتك يالزبالي مالحقها سواد
انت سقت البشاير بالنهار السعيد=مع طلوعك يانجم سهيل هب البراد
ابشري ياام خالد باليتيم الوحيد=فرحتك في خروجه حي صارت وكاد
افرحي واستريحي واشتري ثوب عيد=موعدك مع ظنينك قبل يوم العيإد
((الشاعر :رشيد محمد الفريدي))
حــرب 
العرض الشجري
