يالله جعلي ماعلى غيرك انحد**لاضاقت الحيله علي والوسيعه..!!

يالله جعلي ماعلى غيرك انحد=لاضاقت الحيله علي والوسيعه
ويالله ثلاثه اكفني شرهن عد=بن عم رديٍ ، والفقر ، والقطيعه
ويالله لاتحرم رجاء مبيح السد=اجر الظنون الخايبه ، والفضيعه
ويالله لاتشرق علي مبسم الغد=لاصارت ظنون ( العزاوي ) شنيعه
لاشك أنا رجال ومعرب الجد=نفسي عن الزلات دايم رفيعه
واللي بلاني بالخطا كان من بد=خلق الله اللي افتخر في صنيعه
أبوي وصاني ابد محتري رد=وإن الكرم لله ماهو وديعه
وحذرني ماأعطي لجل أكسب الود=طيبٍ على باب المصالح نبيعه
وقال ياوليدي إذن الزمن صد=لو مايطيعك يافتى الجود طيعه
وأذبح لضيفك لو تسلف ولابد=لو تقصر فلوسك ، شماغك تبيعه
وحذراك لأتنسى إذا شحت اليد=اقطع يمينك للسباع المجيعه
وقبلٍ تمد الساق ، الساق له حد=قد اللحاف ، وقد مايستطيعه
وياوليدي الصدمه إذا وجعها اشتد=تمدك القوه ولو هي وجيعه
واحذر تسحبّ خطوتك عند الامرد=تغريك اشكال الدروب الخليعه
واحذر لسانك يافهد كانه أمتد=مافيه أقشر من لسان الرضيعه
وحذراك ياوليدي ابد تنقلب ضد=على ولد عمك وتصبح سليعه
واحذر قريبك للآبد جنّبه لد=ترى سواة أسموم نابه مريعه
والا العدو في رحلة الشد والمد=ان جنّبك ، لاتحسده في ربيعه
وخذ الحذر من ناعم الزول والخد=ترى الحيايا ناعمات وخديعه
ولاقالوا اصغيّر حذاريك تنهد=عود الطهاره فالصغيّر طبيعه
ومابيك ترضى يافهد بأخر العد=أبيك ماترضى سوا بالطليعه
وإن الشجاعه للرجل مالها قد=لازل ابن آدم فعوله شفيعه
وعلمني إن المرجله ساعة الجد=وقفه تزعزع من ثبات الطبيعه
والا الرخاء حتى المره مالها ند=تنطح شباب اليوم فرد وجميعه
ونصيحتي ياغويش إذا جسمك أرتد=احذر مخاليب الذياب السريعه
ويالشمري جيتك وانا حيل منهد=ماعاد به عند العرب أي ذريعه
يبه جنينك جاك بالحيل منحد=ترجم مصابه ياخلف من بديعه
يالله حقق ماتبيح به السد=أخر كلامي بادرٍ من فجيعه
أقطع لي أنفاسي وانا فيك اشهد=والمصطفى محمد إمام الشريعه

الشاعر/ فهد الشمري

صح لسان الشاعر فهد الشمري
والف شكر يالطرف الخجول على الاختيار

صح لسان الشاعر / فهد الشمري ..

وشكراً لك الطرف الخجول على الاختيار الرائع

صح لسان الشمري

ويعطيك العافيه على الانتقاء الجزل


تحيتي لك

أبو حمد
مـــرورك وتشـريـفـك يزدآدني عــطآء
تتراقص حــروفـي طربــآ لطلة شخــصكـ
فــلآ تحرمني حضورك ـآلرـآئع
تحيآتي وـآحترـآمي

أستاذي فهد
مـــرورك وتشـريـفـك يزدآدني عــطآء
تتراقص حــروفـي طربــآ لطلة شخــصكـ
فــلآ تحرمني حضورك ـآلرـآئع
تحيآتي وـآحترـآمي

عبد العزيز العبلان
مـــرورك وتشـريـفـك يزدآدني عــطآء
تتراقص حــروفـي طربــآ لطلة شخــصكـ
فــلآ تحرمني حضورك ـآلرـآئع
تحيآتي وـآحترـآمي

صح لسان الشاعر فهد الشمري
تحيتي لك على النقل الرائع

خاالص الود..

صح لسان الشاعر فهد الشمري...قصيده رائعه . . مبدعه أختي الطرف الخجول في أختياراتك . أتمنى لك التوفيق والديمومه في امتاعنا بهذه الدرر . . . تقيلي تحياتي

صح لسان الشاعر فهد الشمري
وكل الشكرلك يالطرف الخجول على الاضافه الجميله
تحيتي