الشعر لولا هوايتي فيه ماقلت

الشعر الشعبي ابتلي ببعض المستشعرين الذين يسيئون

لأنفسهم ولديوان العرب وأكثر من يلاحظ أخطائهم الشعراء

المبدعون لأنهم يعانون من نشر تلك القصائد أو المحاولات

الشعرية ..
الشاعر القدير / عوض بن ناصر الفريدي كان له هذه

الأبيات بخصوص هذا الموضوع قرأتها فأعجبتني

وأحببت نقلها لكم .
حيث يقول :

	الشعر لولا هوايتي فيه ماقلت=في وقتنا الحاضر لك الله ولابيت ماهو عياف لمنهجه مير نكلت=من بعض ناسٍ تحسب الشعر تنكيت لجاك قال اليوم قلت وتمثلت=قولٍ يضايق طبلت اذنك اليا اصغيت يقول مبلي بالغرام وتغزلت=وشعر النبط يقول في مثله بليت واليا عذلته قال ما اسمع ليا عذلت=شاعر وابي تشجيع وابحث عن الصيت واليا سكت اليوم لجله وجاملت=يجيك بكره طايحن بالحوانيت

الشعر به مخطي ومقبول ومصيب = وخير الكلام اللي إسناده وكادي
والطيب بين الناس شرقٍ وتغريب = كل النشاما في سبيله تفادي
واللي وطأ درب الخطأ والعذاريب = تايه ومن خاواه تايه وغادي
ودنيا الفناء ضحكاتها والتعاجيب = ساعات وآخر ختامها للنفادي

القصيدة فقط هذه الأبيات

للشاعر الكبير / نايف بن بادي بن طليحان الفريدي

وجزيل الشكر يأبو محمد فا الهم مشترك بين الشعراء ومتذوقين الشعر

صح لسانك ولسان الشاعر / عوض بن ناصر الفريدي

منحنا الله وياك القبول بالعمل والصواب بالقول

محبتي وتقديري

صح لسان الشاعر ابو فهد ونريد المزيد من شعره

وأطلب منك يامنصور أن تلح عليه يشرفنا بالمنتدى

ترى متعطشين لشعره وامثاله


مشكور منصور على النقل


نازف الحرف

بسم الله

منصور
اختيار جزل كالعاده
ابو ماجد ست ابيات ولكنها كلسع برد الشمال
ابو ياسر
كملت الباقي اثابك الله
مع حبي وتقديري لهذا الثلاثي المتوهج الا انني في الشعر اعتبر ان الموهبه هي الاساس ولكنها تنمى وتعسف كعسف الخيل الستم معي!!!!!!!!!!!
اما ان لا نعترف الا بشاعر كامل فهذا محال؟؟
اين تشجيع المواهب؟؟
وانتم تذكرون بعض فحول الشعراء حاليا كيف كان حالهم في البدايه!!
اما اذا كان المقصود غير الشعر الحقيقي ،فمتى يستحق الاسم اصلا حتى ينقد ؟؟؟
تقبلوا مروري واقلوا اللوم!!!!!!

مقبل بن نمران اشكرك على روعة تعليقك وصح لسان ابن بادي


نازف الحرف مشكور وسوف يتم ذلك باذن الله تعالى


خلف الفريد اوافقك تماما على ماقلت وهذه وجهة نظر الشاعر .


ابو العز مشكور على مرورك


وللجميع اجمل تحية