تنخـا بنـي سالـم وتنـخـا المسـاريـح

خالـد نخـاكـم يالوجـيـه المفالـيـحتكفـون دونـه لا تجيبـون الاعــذار

مـال العذردونـه مكانـه وتصـريـحانتم هلا النخوات ياحـرب الاحـرار

ياحرب مافيها عـن العلـم تصفيـحاليوم جـت بوجيهـم مالهـا استـار

وانتم لها يا اهل السيوف الجواريحفزعاتكم يشهد لها اصغـار وكبـار

ياللي فديتم جاركـم قبـل لايطيـحوزبن الدخيل اليا تذارا ذرى الـدار

علـمٍ صحيـح ولايـبـا فـيـه تلمـيـحمـانـي بقيمـكـم ولـكــن تـذكــار

اليـوم خالـد ينتظـر وامـه تصـيـحقومـو لهـا يمدلهـت عفـر الابكـار

تنخا بنـي سالـم وتنخـا المساريـحياكاسبين الطيب فـي كـل معبـار

انتم لها مـن يومكـم هبـت الريـحفيكم صفة خلقة على عز واكبـار

تـمـت ولا تبغـالـهـا زود تـوضـيـحصرخة يتيـمٍ لجـت بكـل الاقطـار

الشاعره
كحيلة حرب

نسأل الله الحي القيوم أن يجعل له من كل ضيق مخرج ومن كل هم فرج ومن كل بلأ عافية .

وصح لسان الشاعرة وبارك الله فيها .


ابوحمد . شكراً على جهودك الطيبة .




ولك تحياتي وتقديري ،،،،،،،،،،،،

اخوي الحكيم
انا شاكر ومقدر لك المرور الراقي لاهنت

صح لسان الشاعره كحيلة حرب
ولاهنت ابو حمد على الاضافه الجزله
ونسأل الله العلي العظيم ان يفك اسر خالد
ويسخر له من يكون سبباً بدفع الديه
تحيتي

حياك ابو فيصل
والحمدلله على مامن علينا به
وكفو بقبيلة حرب بيض الله وجيههم
ماهي غريبه عليهم مثل هالوقفات هم اهل الوفاء
والف مليون شكر لمن تفاعل معنا من سائر القبائل
جعل الله ماقدمو في موازين حسناتهم
الف شكر لاهنت ياغالي

الحمد لله كما ينبغي لجلال وجهه وعظيم سلطانه ..

اكتمل مبلغ عتق خالد بجهود الكثير من أهل الخير

كل الشكر لك ابو حمد على هذا النقل الرائع

والشكر موصول لك اخوي فهد لاهنت على المرور