تنخـا بنـي سالـم وتنـخـا المسـاريـح

خـالــد نـخـاكـم يـالـوجـيـه المـفـالـيـح=تكـفـون دونــه لا تجـيـبـون الاعـــذار
مـــال الـعـذردونـه مـكـانـه وتـصـريـح=انتـم هـلا النخـوات ياحـرب الاحــرار
ياحـرب مافيهـا عـن العلـم تصفـيـح=اليـوم جــت بوجيـهـم مالـهـا اسـتـار
وانتم لها يا اهل السيوف الجواريح=فزعاتكـم يشهـد لهـا اصـغـار وكـبـار
يالـلـي فديـتـم جـاركـم قـبـل لايطـيـح=وزبـن الدخيـل اليـا تـذارا ذرى الــدار
عـلـمٍ صـحـيـح ولايـبــا فـيــه تلـمـيـح=مـــانـــي بـقـيـمـكــم ولـــكـــن تـــذكـــار
الـيـوم خـالـد ينـتـظـر وامـــه تـصـيـح=قـومـو لـهـا يمدلـهـت عـفـر الابـكـار
تنخـا بنـي سالـم وتنـخـا المسـاريـح=ياكاسبـيـن الطـيـب فــي كــل معـبـار
انتـم لهـا مــن يومـكـم هـبـت الـريـح=فيكم صفـة خلقـة علـى عـز واكبـار
تــمـــت ولا تـبـغـالـهـا زود تـوضــيــح=صـرخـة يتـيـمٍ لـجـت بـكــل الاقـطــار

الشاعره
كحيلة حرب

نسأل الله الحي القيوم أن يجعل له من كل ضيق مخرج ومن كل هم فرج ومن كل بلأ عافية .

وصح لسان الشاعرة وبارك الله فيها .


ابوحمد . شكراً على جهودك الطيبة .




ولك تحياتي وتقديري ،،،،،،،،،،،،

اخوي الحكيم
انا شاكر ومقدر لك المرور الراقي لاهنت

صح لسان الشاعره كحيلة حرب
ولاهنت ابو حمد على الاضافه الجزله
ونسأل الله العلي العظيم ان يفك اسر خالد
ويسخر له من يكون سبباً بدفع الديه
تحيتي

حياك ابو فيصل
والحمدلله على مامن علينا به
وكفو بقبيلة حرب بيض الله وجيههم
ماهي غريبه عليهم مثل هالوقفات هم اهل الوفاء
والف مليون شكر لمن تفاعل معنا من سائر القبائل
جعل الله ماقدمو في موازين حسناتهم
الف شكر لاهنت ياغالي

الحمد لله كما ينبغي لجلال وجهه وعظيم سلطانه ..

اكتمل مبلغ عتق خالد بجهود الكثير من أهل الخير

كل الشكر لك ابو حمد على هذا النقل الرائع

والشكر موصول لك اخوي فهد لاهنت على المرور