يالله ياالحي الكريم العطوفي"="يامنشي مزون يعزل هللها
بحسناك يارازق خشاش الكهوفي"="انك تصون انفوسنا عن زللها
ياعالم ما يحيطنا من ضروفي"="يارب ميلات الومان تعدلها
وقت تساوت به جميع الصنوفي"="ماينتميز هيلها من بصلها
الـلي من أول مركبه بالردوفي"="هو ليه مايكب الا شدة لا هلها
ياحمود شفنا اللي عيونك تشوفي"="والناس يعميها هواها وجهلها
لا تصير في زله خويك زهوفي"="الناس زلات الخوي تحتملها
والصبر في كل المواجيب يوفي"="وعواقبه يرغب بها من فعلها
الاوله قل جعلها بالذلوفي "="والثانيه ميز مداها وحولها
والثالثه عليك بالك تطوفي"="اقطع توالي شيمه ماقبلها
الشجره اللي ماغذاها مخلوفي"="اقطع ورقها قبل يطلع سبلها
وعن صحبه الانذال خلك عزوفي"="وابعد عن انذال كثيرة حيلها
ناس على العثرة تدق الدفوفي"="أهل النفوس الي على الشين ولها
ان شفت منهم يالسنافي احفوفي"="خلك عزيز وكلمه الحق قلها
وايطا بقدمك أهل النفوس الضعوفي"="اليا ما تذوب انفوسهم من زعلها
حنا اليا خرب انتضام الصفوفي"="وشانت وقرين النفوس ارتحلها
صدوق منا النو ماهو اشعوفي"="اليا اختلط شر النفوس وزملها
ندوس غبات الخطر دون خوفي"="ونرمي على الخصم المقابل ثقلها
لنا ماض اكثر الناس نوفي"="ولو صعبت العليا نحاول نصلها
ياما لطمنا من خشوم قنوفي"="اليا من حواش الودايع عز لها
وناقف مع الـلي يستحق الوقوفي"="اليا من مطعون القبيله خذلها
أسلافنا يروون حدب السيوفي"="وان ثورت صم الحوافر نثلها
بارماحهم كم ارملوا من هنوفي"="وكم مهرة راحت تلاعب اكثلها
هم الرجال اللي عليهم احسوفي"="كرام النفوس اللي قليل بدلها
ياحمود وين اللب عند الجلوفي"="متفاوته ما ينتقارن عملها
عليك باطيب ندي الكفوفي"="اللي اليا شحت حبالك وصلها
اللي عن الهفوات نفسه عيوفي"="ذخر الرجال اللي حميدة اخصلها
اللي بماضيه الحميد معروفي"="وان عمست الاريا برايه فصلها
ماكل الاسما تتفق بالحروفي"="وحتى المعاني ماتوافق اجملها
ولا كل من غامر تجي له اصدوفي"=" ولاكل من رام المعالي نزلها
ولا كل من يرمي حصاه محذوفي"="ياطالب العيا بساعدك نلها
ياحمود ماهي بالهوا والشفوفي"="تمت وميزان المعني قفلها
هـم الرجــال الــلي عليــهم حســوفي ..!! 
العرض العادي
