غازي عسى ربي يجيره ويرعاه

الأخ العزيز الشيخ/ غازي جمعان بن حماد الفريدي الحربي حفظه الله
أكتب هذه القصيده وكلي افتخارآ واعتزاز بكرمكم وتواضعكم اللامحدود

لله در الشعر والحمد الله = ولله ياوسع الصدر وانشراحه
واللي من الله خالقه تاهت ارياه = الغدر إله عن وقفه الطيب راحه
يعني عن وجوده مع الوقت فرقاه = احسن ولا يلبس وشاح القباحه
لعل من تقصر شبوحه عن الجاه = آمين يا ربي تعجل مراحه
ولعل من ذود المشاريه تنصاه = يفتح لها قلبه بطيب وسماحه
يسلم وتصفيله مشاريب دنياه = وتجيله الدنيا بطوع ونصاحه
كساب نعم وشاهده فعل يمناه = يوم ان غيره له يدين شحاحه
غازي عسى ربي يجيره ويرعاه = الطيب يلبس فالمواقف وشاحه
عز الله ان الطيبه من سجاياه = وعز الله ان النعم شارب قراحه
كان الردى يقدر على الغير ماجاه = لاشاف ابن حماد سلم سلاحه
اللي مواقيفه تبيض محياه = الله يسعدلي مساه وصباحه
هذا الصحيح ومن قدر يقطع رشاه = والله ان تصفيله وساع المساحه
ياللي تقول الحق والحظ تدراه = ابو مناور للنشاما افلاحه
علم صحيح ويتضح كل معناه = والغامض المجهول صعب اتضاحه
يتعب على نفعة رفيقه ويرفاه = دون الرفيق تصير حرب ومناحه
يالاد راشد فعلكم مانسيناه = طير الهداد معلقه في جناحه
فعل ينومس والمواقف مسماه = عيب على اللي مايعد الصراحه
ولله در الشعر والحمد لله = ولله ياوسع الصدر وانشراحه

الشاعر
صباح قعيد ظاهر القاسمي الظفيري


* تم التنسيق من قبلي على الجضعان

صح لسان الشاعر
صباح قعيد ظاهر القاسمي الظفيري
قصيده جزله برجل يستحق المدح لاهنت اخوي على النشر
تحيتي

يستاهل الشيخ
غازي جمعان الفريدي
المدح وزياده وصح لسان الشاعر
صباح قعيد ظاهر القاسمي الظفيري
وسلمت على الاضافه لاهنت