الايعاز

( الايعاز )
بسم الله الرحمن خالق عبيده=رب(ن) عليه أرزاقنا وأعتماده
والحمد له والشكرفيما يجيده=من أنعام ماتحصى علينا عداده
أما بعد أقول فرصه سعيده=فيما يريد القلب وغاية مراده
وأنه لمن داعي سروري وعيده=أنظم قصيده في مديري أشاده
تستاهل أنظم فيك بيوت(ن) فريده=أمدح وأشيد وأعيد أكثرزياده
ولاشوف فيها عيب وإلا نقيده=قول الصحيح اللي مجرد شهاده
ولاجبت شي جديد قولا(ن) أعيده=هذا كلام يرددونه أفراده
ماهو نفاق اللي ورأه مستفيده=ماينعرف بياضها من سواده
جندت للمعنى حروف(ن) جديده=وصفيتها بيعاز لصاحب السعاده
حد . أستعد . له ياحروف القصيده=يمين تراصف . وخطها يامداده
وزن(ن) . وهرول . بتجاهه وميده=وأثبت . أمامه ومدها في ركاده
سلام رساله للمدير خص بيده=فيها الخبر والعلم وفيها الافاده
موضوعها والنص بجمله مفيده=تقدير شخصي غايتي وستناده
أهداء للذكرى بالسنين المديده=نظمتها من القلب نظم القلاده
ل.........أبن.............نعم الوليده=ال.........أهل الكرم والوفاده
مقرين ضيوف(ن)بالسنين التليده=طبع با.........وارثينه أجداده
الطرقي اللي يمر كلا(ن)يريده=يلفي عليهم ضيف ويبشر بزاده
وأنت من الاجواد هاذي أكيده=الاجودي يحسن تعامل أجواده
روح التعامل فيك فن(ن)تجيده=وأكيد هاذي فيك يالقرم عاده
الطبع يبقى بالخصال الحميده=كلا(ن) ويظهر ماخفى في فواده
مدير مثلك بالصفات العديده=هيبه وطيبه وقوة أراده
وحزم(ن) وعزم وقوة أراده=نعمل ونشعر برتياح وسعاده
والله يعينك مسؤليه كويده=لكن تهون لرجال قاده وساده
لاهل القرارنظرات دأيم بعيده=وضع المناسب بالمناسب رياده
وعن الاخيذه وشرهاوالجحيده=غيرك ينام ويهتني في رقاده
وأنت مثل ذيب(ن) يغفي بوحيده=بعين(ن) وعين(ن) واعيه لاقعاده
وإلا مثل حر(ن) على رأس حيده=يطلع ودأيم والمن(ن) في هداده
عن غفلة(ن) وهمال تجيب عيده=وينسب خطاء وتقصير على القياده
ويوم الظروف صارت علينا عنيده=صارت لنا خيره وخير الاعاده
اليوم من خيراتها نستفيده=وعن الفراغ ونوم فوق الوساده
عدنا ومعنا خبرة(ن) نستعيده=على وفاء وخلاص وجيد وجياده
الموقع اللي حارسين(ن)صعيده=دونه على ماقيل خرط الكداده
ناقف ونضرب في يد(ن) من حديده=يلقاء هلاكه والفناء والاباده
منه يحوم حول الحمى لونصيده=رجال(ن) لوقف الهجير وهجاده
وصلاة ربي على خيرة عبيده=شفعينا يوم النشور ومعاده
هادي أمته لاسنته والعقيده=محمد رسول الله صفوة عباده
( قرناس خامس )