من عاش بين الناس شاف العجايب

من عاش بين الناس شاف العجايب=يشوف ساعات الهناء و السعاده
والفرق ما بين الغصون الرطايب=و الغيد ما بين المرح و الركاده
فيهم غصون ٍ حرّكتها الهبايب=و فيهم بنات الحور منوة عباده
ومنهم تسبب للقلوب النهايب=وتحرم على عين المولع رقاده
وقمت افتكر اذا اصبحت شايب=وش حالة اللي ما حصل له مراده
الموت افضل من حياة الغلايب=من قبل تهزأ فيه ام القلاده
واغنم ربيع العمر قبل الذهايب=من قبل يعلن عن حياتك نفاذه

( علي القحطاني )

اخوى
الحكـــــيم
صح لسان الشاعر علي القحطاني
ولاهنت اخوي علىالاضافه الجميله
تحيتي

أخوي / غازي بن عجاب بوزوايد


شكراً لك وبارك الله فيك.

وتقبل تحياتي ،،،،،،،،

اختيار جداً رائع
صح لسان الشاعر وسلمت يا الحكيم على الاضافه لاهنت