( وين خلف الفريد )

الـــموال :

أهلاً هـلا لـو خاطـري فيـه مافيـهمن مسألة شيـخٍ عذابـي عزاويـه

يـا همّكـم يـا غمّكـم مـن معانيـهوفوق الكواكب يا علمنا السعودي

يا سـلام الله سـلامٍ بالجميـعكل ما هبّت ذعاذيع الشمـال

لا سمعها عاصي السنه يطيعويتماثل كل مـا قالـوا مقـال

حيـاك ربـي والخواطـر سليمـاتواليا تعزوى الشيخ قدرٍ ومهمات

النـاس رجليّـه وبظهـور ريـمـاتوفوق الكواكب ياعلمنا السعودي

______

مرحبا ياصاحبي صـدري وسيـعوبالمعاني نعرف حقوق الرجال

البـدايـه جبـتـهـا قـــولٍ بـديــعميـر لاتخلـط حرامـك بالـحـلال

( الموّال )

يا حي حـي اللـي علومـه سليمـهودايم عليهـم يركـب شـداد ريمـه

الـحـق حــق ومجريـاتـه ظليـمـهوفوق الكواكب يا علمنا السعودي

قلت قولي واحتروا قول اللكيعمثل ابن جضعان لا جاله مجال

واحتـرم قـول المعنّـى لايضيـعدام معناكـم يطـيـع الاحتـمـال

والله حشيـمٍ ياسلايـل طليـحـانلكـن شبـابٍ قلتـم نحـد شيـبـان

ولا غرك الا المفتري ولْد جضعانوفوق الكواكب ياعلمنا السعودي

،،،،،،،،،،،،،،،،،،،،

اللكيع اللي مسك خطٍّ سريعراح عمره بالحسد والاحتيال

لا بغينـا نشتـري قربـه يبـيـعلاتحطه يارفيقـي راس مـال

( المــوال )

دامم البقا ياهل القلـوب النظيفـهاللـي عليهـا فـوق الامتـان ضِيفـه

وهمّ الخفير المستلم مـن عريفـهوفوق الكواكب يا علمنا السعودي

المعاني يا خلـف سـمّ الربيـعوالمبـادي كلهـا تقـريـر حــال

والضعيف ليا خذوا حقّه يطيعواعتراف المجتمع نص إحتلال

سلـمـت يـانـواف ردك عرفـنـاهوزودٍ علـى عرفـه تـرانـا قبلـنـاه

واللي يقوم بواجبـه كـم شكرنـاهوفوق الكواكب ياعلمنا السعودي

،،،،،،،،،،،،،

من ظهر في صورة الحمل الوديعلاتحـطـه بـيـن راســك والعـقـال

والربيـع اليعربـي كـم لـه صـريـعوللسمـوم القاتلـه نلقـى مـصـال

الواجب المعروف كـل يجيـدهولاهان عرف مقدّرين الحديده

وأنا عضيدك يالرمـوع البعيـدهوفوق الثريا يا علمنا السعودي

قرر الواقع هـل القـدر الرفيـعوالشقـاوي دنيتـه روح وتـعـال

في رجا اللي لا غلط سدّه منيعوالرجا كله علـى شـان الريـال

من هامته من فوق ذيك النجومـيمايصيده الشيهـان لـو هـو يحومـي

ولون الحديده من حصيل القروميورفرف بعـزك ياعلمنـا السعـودي

مـن رضـي بالهينـه مالـه شفيـعوعن سموم القيظ يغنيك الظلال

والغلط مـردود والراعـي سميـعوالبشر مابين عيـش وبيـن مـال

صحت كلماتكم .. ونورتم المعاني .

( المــوال )

بعض العرب اسم الكواكب يشيلهبينـي وبينـك لا كـشـخ يــا حليـلـه

وبعض العرب تفدى عيونـه قبيلـهوفوق الكواكب يا علمنا السعودي

ما نعذرب في هل الشان الرفيعوالإجابـه جاهـزه قبـل الـسـؤال

والخبر ياصلك يا القرم الشجيـعوالمعاني صـدق مـا فيهـا جـدال

مـا قلـت يانـواف غيـر الحقيـقـهومن شك فينا الله يسهل طريقه

وترى الثواني جوف بطن الدقيقهوفوق المجره ياعلمنـا السعـودي

ماتدوس رجولنا شوك النقيعولا نصلي ظهرنا قبل الزوال

ولاتعودنا على القول الشنيـعوالدعاوي كلهـا قـولٍ وقـال