عيال راشد مجدهم مثل سنجار

الشاعر المعروف محمد بن حمد بن شعيبان الفريدي
شاعر كبير غني عن التعريف
القى هذه القصيده في حفل عند الدهاليس
"
"

قــدراً لجزلـيـن المـواقـف والاشـــوارالـلـي لـهـم عـنـد الـعــرب مـقـدريـه

حضرت اشـرف حفـل وافيـن الاشبـارواقــــدم الــواجــب عـلـيــه ولــيـــه

يامرحـبـا شيـمـه وواجـــب ومـقــداربـأهـل الـوفـا الـوافـيـن حـقــاً عـلـيـه

حـيـاكـم المـعـبـود تـكــرار وامــــرارمـن هاجـسٍ صـادق ومـن طيـب نـيـه

احـرص علـى جـزل التماثيـل واخـتـارالـلــي يـطـيـب بطـيـبـيـن الـسـجـيـه

لشـعـر كــار ولـهـل المـعـرفـه كـــارعنـدي وعـنـد اهــل النـفـوس النقـيـه

مـانــي مـقــدم لدهـالـيـس مــعــذارالـحــق واضــــح والـقـريـحـه مـلـيــه

رغــم انشغـالـي وارتبـاطـي بمـشـوارواجـــب بـنــي عـمــي لـــه الاولـيــه

كـسـابـة الـطـولـه بعـيـديـن الانـظــاراهــل الـشـحـم والـعــود والشـاذلـيـه

عـون الرفيـق اللـي عليـه الدهـر جـاروعــوق الخصـيـم الـلـي نـوايـاه نـيــه

المخلصيـن بـواجـب الضـيـف والـجـارافعالـهـم فــي نـجــد مـاهــي خـفـيـه

من عصر فريـسٍ علـى جيـش ومهـاريــــوم الـجـزيــره كـلــهــا جـاهـلـيــه

عيـال راشــد مجـدهـم مـثـل سنـجـارشـامـخ وتــدري فـيــه سـبــع الـفـيـه

قـــدام لاتـطـلـع مـحـطـات الاقـمــارحـقــق مـجـالــه شـهـرتــاً عـالـمـيـه

صيتاً يشرف حـرب فـي كـل الاقطـارماينـكـره مــن كــان عـنــده حـمـيـه

بإسـم الفريـدي لاعتـزو والدخـن ثــارعــدوهــم يــــارد حــيــاض الـمـنـيـه

يشهـدلـهـم بافعـالـهـم كـــل مـغــوارتاريخـهـم شمـسـه مــع الـحـي حـيــه

من دون نقص(ن) في مواجيب الاخياركــــل الـقـبـايـل بـالـمـكـارم غـنـيــه

واللـي يغـط حسـاب وامجـاد الاحــرارضـعـيـف عـــرف وعـلـتــه داخـلـيــه

اليـوم يـا اصحـاب المعرفـه والابـصـارفي عصـر فيـه اوضـاع الاسـلام سيـه

يـاجــب علـيـنـا كـلـنـا ســـر وجـهــاربــدو وحـضـر مــن كــل فــج ونحـيـه

انــا نـكـون اعــوان لـلـحـق وانـصــارعــــزاً لــديــن الله وســنـــة نـبــيــه

ونصيـر يـد وحـده مـع طـوال الاعمـارحـكـامـنـا درع الــوطــن والـرعــيــه

ناخذ عبر عن مانشـوف مـن الاخطـارالـلــي هـدفـهـا الـسـنــه الهـاشـمـيـه

لـن الفـتـن عـنـا مــن يمـيـن ويـسـارفــي كــل يــوم وكــل ليـلـه قـضـيـه

اقـرب مثـال الـلـي تشـوفـون بـشـاربأخـوانـنـا فـالـشـام شـــب الـلـضـيـه

فـاجـر وتـيـد لـــه مسـاعـيـه فـجــارالمسـلـمـيـن المـؤمـنـيـن الـضـحـيــه

قولـو عسـى الله ينصـر الديـن تـكـرارواجــب عليـكـم كــل صـبـح وعشـيـه

تـضـرعـو لـلـواحـد الـنـافــع الــضــاروصلـو عـلـى الـهـادي شفـيـع البـريـه

تــضـــرعـــو لــلـــواحـــد الــنـــافـــع الــــضــــاروصـلــو عــلــى الــهــادي شـفـيــع الـبـريــه

المصدر : عيال راشد مجدهم مثل سنجار

نــــــــــــــــــــــــ ـــــــــــــــعـــــــــ ـــــــــــــــــــــــــ ـــــــــــــم نعم نعم نعم
صح الله السانك يابو فهد وسلم بنانك على الجزيل والجميل
ويسلم العلم المتميز بالسوب الطيب
ابوحمد

ابوحمد الف شكر على الاضافه

وصح لسان الشاعر محمد الفريدي


قصيده تستاهل الأشاده

ابوحمد لاعدمناك

صح لسان الشاعر العلم محمد بن شعيبان
هكذا الشعر اذا احتكم الى عاطفة وطنية ايمانية قوية
ملحمة شعرية نقف لها احتراما ولشاعرها تقديرا
لك ابا حمد ولأبي فهد كل الشكر والتقدير

اخوي الشاعر
سعد هذيل ابو فهد
بيض الله وجهك على هذا المرور
وشهادتك وسام لاهنت ياغالي شكراً مليون

شاعرنا القدير ابو عمر
صح بنك بالنيابه عن ابو فهد
لك مني جزيل الشكر والاحترام لاهنت ياغالي

هلا والله وغلا ابو يارا مرورك وسام لاهنت ياغالي

صح لسان ابو فهد على الجزالة والوفاء
ويستاهلون ربعنا الدهاليس المدح وهم اهله
وشكرا ابو حمد على نقل هذه الرائعه
لاعدمتكم

المشاركة الأصلية كتبت بواسطة خلف الفريد

صح لسان ابو فهد على الجزالة والوفاء
ويستاهلون ربعنا الدهاليس المدح وهم اهله
وشكرا ابو حمد على نقل هذه الرائعه
لاعدمتكم

صح بدنك
وسلمت ودمت ياغالي
مرورك وسام لي وللقصيده
ودائماً افرح لمرور مثلك وشرواك
واعتذر منك عن التأخير الغير مقصود
فوالله انه فوت الحرص يابو عبدالعزيز لاعدمتك

أقف احتراماً لهذه المعاني ,, واهل المعاني .

وصحت مشاعر أبوفهد ,, ولاهان ابن امطيع والجميع .


تحيتي وتقديري .