تهانينا لابن عتاق .

أضاءت بريدة في ليلة بهيـّــة ,, من أروع لياليها ,, فرحا بزواج أخي العزيز / عبدالعزيز بن خلف بن عتاق .

وكانت هذه الأبيات حاضرة :

من المعالي مع سموّ الاسامي=أهــلاً هــلا من قلب مخلص ومشتاق
مع وافر البهجه بديم وغمامي=فرحة وفا تقدير من صاف الاعماق
فيها تحيه من رفيع المقامي=شيخٍ على جزل المواجيب سباق
خلف ابوعبدالعزيز العصامي=زعيم سنّـه بالمكارم والاخلاق
وهذا الشبل من ذا الاسد بالتمامي=عبدالعزيز بن خلف بن عتاق
نعم الاسامي قبل أكمّـل كلامي=واقدّم أنواع التهاني بالآفاق
مبروك واترجم ردود السلامي=عن الحضور بما يعبــّـر وما لاق

ألف مبروك للاخ العزيز / عبدالعزيز .. ابن الوالد / خلف الفريد

اللهم بارك لهما وبارك عليهما واجمع بينهما بخير

وصح لسانك يا أبو عبدالسلام فقد امتعتنا بتلك الأمسية الرائعة

وقد استطعت إدارتها بكل تمكّن وتميز كما أنت

فشكر جزيلا لك

دمت وسلمت أبوعبدالملك ..

والحمدلله على سلامة الأسفار ...

وصح بدنك ... وكلك نظر .


تحيتي وتقيري .

كم كنت اتمنا الحظور ....ولكن قدرالله ومشاء فعل
وكم انني حريص لقراءة كل مايكتبه نواف الفارع
(اللهم بارك لهم وبارك عليهما واجمع بينهم بخير)

ابوعبدالسلام
صح لسانك وبيض الله وجهك
على التقديم الرائع والتنظيم الاروع لاهنت ياغالي
وبيض الله وجه ابو عبدالعزبز حفل مشرف ومقام يشرف
حفل كبير بحضوره ومعازيبه والله يوفق العريس ويرزقه الذرية الصالحه
اتمنى له التوفيق والحياة السعيده

عيني وعلى راسي أبوهلال .

ومن ذوقك وسمو أخلاقك ..
تمنينا مقابلتك ,, ولكن الأفراح الجايات أكثر إن شاء الله .
دمت بهذا الحضور المتميز .

وتقبل تحيتي وتقديري .

أبــوحـمـد .. صح بدنك .. ووجهك أبيض .

وتشرفت في تلك الليله بمواجك ومواجه مثلك وشرواك ...

فكانت ليلة بهية بجزالة معانيها .

دام مرورك وحضورك ..
وتقبل تحياتي .

صح لسانك يابن فارع

وابو عبدالعزيز وعبدالعزيز يستاهلون المدح

ادام الله افراحههم ووفقنا الله واياهم لما فيه خير

وافي كعادتك للهل الوفاء

تحيتي وتقديري لك

صح بدنك يا أبوسعيـّـد ..

ولاهنت كم أنت ... وكلك نظر .

ولك تحياتي .

صح لسانك ابا عبالسلام
ابداع مستمر وحضور راقي ومشرف وهي عادتك
يستاهل ابو عبدالعزيز هذ التواجد من جميع احبته