عمرك سمعت الذيب خاوى خروف...او صادقه ولا ترافـق معاه

الذيب ذيب وما يماشي ضعوف=يمشي معا قرمٍ يطابـق هواه
عمرك سمعت الذيب خاوى خروف=او صادقه ولا ترافـق معاه
ما يلحق العرجاء ولا هي صدوف=يومه يجر اطلق ف** مع قفاه
يبعد عن الجيفه و ماهوب خوف=ماياكل الا من تخايل وجاه
لوحدته دنياه يقـوى يعوف=يموت جايع ما يصيح بعـواه
بطلبك والدنيا علينا خسوف=فكر خويك من تحاكي شفاه
إن كان شخصٍ يحتمي بالجلوف=ولاجبان الخوف يمشي وراه
ولا من اللي راس ماله هنوف=راعي نساوين انتحر في عماه
ابعد عن اللي داخله فيلسوف=راعي حكي والناس تبغا جفـاه
وانهج عن اللي جاهلٍ مايشوف=عقله صغير وتحت رجله رماه
انسى وروح ابعد ولا في حسوف=مقرود منهو يشتري بالعماه
وان حدتك دنياك تشري وصوف=انحش عن اللي سرعته في بكاه
اخلص وتل السيف بين السيوف=ياشين سيفٍ محتمي في غباه

منقول

صح لسان الشاعر وشكراً ياخت تعاند

على النقل

مستحيل إن الذيب الحقيقي يخاوي الخروف وكذالك

ذيابة الرجال مستحيل تخاوي خرفانهم

وان حدتك دنياك تشري وصوف...انحش عن الي سرعته في بكاه

اخلص وتل السيف بين السيوف...ياشين سيفٍ محتمي في غباه


المصدر :عمرك سمعت الذيب خاوى خروف...او صادقه ولا ترافـق معاه

صح لسان الشاعر
وسلمتي ياتعاند على الاضافه الرائعه