الشاعر المبدع / العويني يسند للشاعر الكبير/ شريف الفريدي

ومع مواصلتنا لمساجلة شعرائنا من عيال راشد واللي اشترطنا

فيها ان تكون المساجلة بين شاعرين من شعراء الفرده اليكم

هذه القصيده لشاعرنا المبدع دائماً / حمود العويني ويسندها

للشاعر الكبير / شريّف ابن راكب الفريدي .

الناس ياشريّـف قصـيٍ مداهـا=ماهم على يامسنـدي ماتوقعـت
حيثٍ ما احدٍ سالـمٍ مـن غثاهـا=كيد البشر لاتامنه لـو تواضعـت
خلقٍ يا بن راكب قليـلٍ حلاهـا=مايتركونك بالسعه لـو توسعـت
لو انت مقفي ماسلمت من اذاهـا=ولاييدونـك بالسنـع لوتسنعـت
تذكـر مفاخرهـا وتقـل تجاهـا=عميا بصر تفسيرها يوم طالعـت
ماتنتعـدّل غديتـه لـو غداهـا=خبل العرب ماينتقنّع لـو اقنعـت
عفوش الرجال اللي قليلٍ حياهـا=يبون حذفي يمهم مار مـا طعـت
خل المسفـه تستشيـط بعماهـا=عن الهزيله والهزايـل ترفعـت
عسى نفوس الحقد تلقـا جزاهـا=يامن تحت عرشه وبسمه تشفعّت
لولا الرجال اللي تعـز اقرباهـا=قلت الكلام اللي ليا قلته اوجعـت
حبوس الرجال اللي يذري ذراهـا=في سمعت الغالين لااعطي ولابعت
اهل العقول اللي ملكنـي وفاهـا=اللي ليا جيبت سيرهـم تشجعـت
اولاد راشد مكرمت مـن نصاهـا=قلته وبا اقوله مثل ماقبل ذعـت
يتلون ابن حماد مـن دور طاهـا=شيخٍ بحومات الوغا ينّعت نعـت
يـوم القبايـل تفتخـر بومراهـا=سيفي ليامنّي للاضداد صارعـت
ماكـر صواريـمٍ تضـد اقبلاهـا=قولٍ على وضح النقا ماتصنعـت
دايم وغيبات الرفيـق انحماهـا=حطيت روحي دونهم يوم ذرّعـت
قومٍ جوايحها بـروس خصماهـا=وتلقا النقا في ساسهـا لاتتبعـت
كم سابقٍ منهم عطيـبٍ شضاهـا=لقال مصطور النشامـا تبرعـت
نعم الرجال مزبنت مـن نخاهـا=لي الفخـر بافعالهـم لاتطلعـت
ازعل زعلها والرضا من رضاهـا=ون حل بي ماجوبهم ماتجزعـت
والا الضعوف اللي ترهّم حكاهـا=لااقوالهـا وافعالهـا ماتسمعـت
يابايع الذمه ويـا مـن شراهـا=ماعاد ينظّفك البحر لو تسوبعـت

وهذا مرد الشاعر الكبير شريّف حيث يقول رداً على العويني

الله مـن نفـسٍ زعلـهـا حـداهـا=قعدت اجاحـد غيضهـا ليـن ولّعـت
فزيـت كنـي والقـدم قـد وطاهـا=جمرة غضا مع غاوي الرجل وارتعت
سمعـت بالدعـوه واجبـت لنداهـا=وعيبٍ علي ان كان بالحل ما ابدعـت
والله لخـل الخيـل تقـرع احـذاهـا=اما جدعت امبارزي والا انا اجدعـت
حمـود لـه قصـه عليّـه شكـاهـا=قصة شرف مع نشرهـا قـد تمتعـت
لـه قبـةٍ فـوق الثـريـاء بنـاهـا=ولـو اشتركـت ابّنيهـا ماتراجعـت
ياحمـود رجلـك لاتقصـر خطاهـا=دامك على عـرش الحقيقـه تربعـت
لاصـار حافظـةٍ سواقيـك مـاهـا=والله يمين انك عن الحـق ماضعـت
ومـن لايعـرف الطيبـه ماقنـاهـا=والحـر يلقـى واحـدٍ يثعتـه ثعـت
واهـل النمايـم قطّـع الله اعـراهـا=ما انت الوحيد لمرهـا لـو تجرعـت
اهل القلـوب اللـي تراكـم صداهـا=اليا وثقت بعملـة الخايـن اخدعـت
عسى ارضهم تجدب ويصحي سماهـا=وتبقى مثل وادٍ اليـا جيتـه اسرعـت
عنـدي نصيحـه ياحمـود وتراهـا=وجهت نظر وللاّ انت بالصاع قد صعت
بيـر الهلالـي لاتبـيـن غطـاهـا=تراي من مـوح الدلـي قـد تملعـت
يزتّـك اللـي ماحسـب وش وراهـا=ويضحك اليا منـك لبيضـك تنزعـت
وعـن القبيلـه بالفـعـول انتـبـاه=ترقـى العـلا بحبالهـم لوتمنـعـت
قبيلـةٍ يلقـى الوفـا مـن نصـاهـا=ما هو على اني غرسها يـوم دافعـت
والله لصـادم مـن يقـرب حمـاهـا=وعيبٍ اليا مني عن الحـذف خرعـت
ماهي بعـوز لمدحنـا مـن صباهـا=ما قول انا سمكرتهـا وانـت لمعـت
وفعـل القبيلـه منتـدى لشعـراهـا=وتدوم يانجمٍ على الكـون شعشعـت

منصور الوسوس

قلب المجالس النابض

صح لسانك ولسان الشعراء الأفاضل العويني وابن راكب

تقبل مروري وشكري وتقديري ومحبتي

داموا ودمت بعون الله وتوفيقه

حياك ربي يامقبل بن نمران

لك اجمل وازكى تحية على مرورك العطر


دمت لنا بخير

منصور الوسوس



الله يبيض وجهك ..



صح لسانك ولسان الشاعرين



قصائد جزلة ورائعة .. سلمت يمينك على نقلها لنا ..


ألف شكر وعساك ذخر
ابن راشد

ابن راشد تاج راسي


هلابك اسعدني مرورك


لاهنت يبن العم ولاعليك زود

بسم الله

ابو محمد

ضار ٍ على الجزلات يالجزل

لاهان راسك على هاتين الجوهرتين من شاعرين كبيرين

قوه وهيبه ورصانه وقدرة عجيبه على تسخير الكلمات شعرا

هكذا والا فلا!!

لك حبي

ابو عبدالعزيز جزالة ردودك تضاهي

ما يكتبه الشعراء وانت واحد منهم فلك

خالص المحبة على ادبياتك الجميلة