#مبروك ياللي فوزكم شرفنا#

عبدالله حمد الفريدي · 12-06-12, 12:03 PM

اليوم فرحتنا ماهي مخفيه=والفوز حازه طيبين النيه
مبروك ياللي فوزكم شرفنا=ذخرن لنا لاحان وقت الهيه
أتمثلون ارجال وايضا ديره=ولاني عميل الكلمة المقفيه
الفوز سجل للسنافي باسمه=فوزه دليل الطيب والماريه
منصور ابن ناصر عريب المجنا=غيثن لنا بوقاتنا الحاليه
فزعت نصيّه لا لفا له عاني=جدّد وثاق الطيب والماويه
مبداه سامي والشعر به سامي=تفخر به الابيات والقافيه
أرقى سنود وكل علمك غانم=أرخ العنان وحاجتك مقضيه
مبروك ياللي فزعته معروفه=يمناه بالموقف ماهي مثنيه
وعبدالله الراضي حكيم وحازم=يبذل أجهودن للبلد مرئيه
أليا حضر دعوى كلامه كافي=ولايدعي بالحاجة الوهميه
حنا سمعنا والخبر يفرحنا=ويعيدنا للصوره العاديه
يوم أتفكر واعتبر بالماضي=يسوقني للحاله المرثيه
محدن تركها والظروف أتحدك=ما بين قلّ العرف والماليه
ضعف العزيمة ماتفيد الامه=وتعيدنا لأفكارنا الرجعيه
قل للفداوي بالأمانة يافي=من بين ايديه الحاجة المعنيه
كلن فزع له والحقيقه بانت=الكل جاله في يده عانيه
هذا جميلن في جنابك رده=ولا تلتفت للعالم المبليه
والله يعز المملكه موطنا=وحنا ذراها بالليال السيّه
ويالله تطول في عمر عبدالله=أبو اليتاما والسجايا حيّه
يقود شعبه للرخا في حكمه=وكلن شهد بجهوده الفعليه
تم الكلام اللي عساه يجّمل=ابيات شعرن للعرب مهديه

فيصل زمل الفريدي

محمد زمل السدحان · 12-06-12, 12:20 PM

كلام يجمل من رجل يجمل وشاعرٍ وفى وكمل
اخوي فيصل صح لسانك مليون وافيه ياوافي
ويستاهل منصور بن ناصر بن سعديه وعبدالله بن راضي الوسوس
ويجملون المادح ولاعليك زود يابن سدحان
حنا سمعنا والخبر يفرحنا == ويعيدنا لصوره العاديه
نعم فرحنا لانهم كفو واهل للمسؤليه
اخوي فيصل انت شاعر رائع جداً اتمنى ان تزودنا بقصائدك
ومليون شكر للاستاذ/ محمد زمل على الاضافه لاهنت