تستاهلين الجيب يابنت الاجواد

تستاهلين الجيب يابنت الاجواد = خوذيه لطعوس النفود العبي به
لاعاد طيبك غالب(ن) طيب الاولاد = فاللي يحوش الطيب هذا نصيبه
تستاهلينه واركبي رمز الامجاد = (فكس آر ) من عبد اللطيف افرحي به
هديتك وخذيه يابنت وش عاد = عطيتي لك ماعتبرها غليبه
وان حسفوني في عطاياي حساد = باقول راحت به لزوم وتجيبه
وانا عطيتك والكرم شين لازاد = واللي عطا ملزوم عهده يفي به
وان كان لي خاطر وانا (قولها جاد) = بس ان وليتي طارته فعتني به
ماخفيك انا شاريه بديون واقصاد = والراجحي نصف المعاش يغدي به
اسدد اقصاده قبل لقمة الزاد = وماهيب في عصر التطور غريبه
وانا عطيتك وان تحسفت مافاد = زود الكرم حزات يجلب مصيبه
الله يعين اللي للاقصاد سداد = لوهو تحقق هالعطا يالحبيبه

وسلامتكم

أختنا تعاند من يعاندها صح لسان الشاعر . و من كريم أل مستحق القياده . تحياتي

اشكرك على المرور الراقي

تم التنسيق مع الشكر ع الأضافه

وكنت أتمنى أضافة أسم الشاعر

الحفاظ حق الشاعرالأدبي

تستاهلين كل خير يابنت الاجواد
الف شكر على الاضافه

علي الجضعان اشكرك على التنسيق والمرور الراقي جدا

ابوحمد وانت تستاهل كل خير
اشكرك على مرورك الراقي

روووعه
كل الشكر على النقل الرائع

تستاهلين الجيب تستاهلينه
بقول لكزز ماني قيلن جاك فكس ار
اخر مديل مابعد فر ويله
دامك تعلمتي على جيب فكس ار

مرحب ابو ضاري
هذي المشاركه الثانيه لك بالمجلس

الله لايهينك على الابيات الرائعه وانت تستاهل كل خييييييييير

وشكرا مليييون على الهديه وقبلت الكزز بس لايصير عليه اقصاط وتوهقني ههههههه