يا شين الخطأ لا جاك مـن واحـداً تغليـه**تعـزه ولا تسمـع بـه الهـرج بالـمـره ...

يا شين الخطأ لا جاك مـن واحـداً تغليـه=تعـزه ولا تسمـع بـه الهـرج بالـمـره
رفيقاً قريب وانـت فـي لازمـك حاسيـه=على بالـك تحسبـه مـن الـروح وتبـره
تعـده عضيـد ولا زهـم قلـت لـه لبيـه=وتسعى لمـا يجلـب لـه الخيـر ويسـره
وتمشي معه صافي على كل مـا يرضيـه=تقاسم معـه جـور الدهـر حلـوه ومـره
وفجأه تبلواك بخطـا مانـت عـارف ليـه=على سوء نيـه منـه ماهـو علـى غـره
سمع فيك هرج اللي علـى الخيـر مايهديـه=عـدو(ن) بطينـي يلحـق الجمـر ويكـره
هـذا والله اللـي يجـرح الرجـل ويخليـه=يكيـل الـردا والجـود فـي بحـره وبـره
خطأ الجهل يعذر .. والخطأ العمد وين اغديه=وانـا رجـل واعـرف المشاريـه واشـر
غلاف الصداقه مـن قـزازه وانـا أدرايـه=أداريـه لـن كسـره مثـل كسـرة الجـره
اسوق المطايـا بالوفـا والصديـق اشريـه=ولا ارضى عليه من الخطـأ لـو كبـر ذره
لكني بدالي مـن صديقـي كلامـاً .. فيـه=سواده .. كما الشامـه علـى خـدة الحـره
وطوفت الأولى عن ذكـا ماتقـول اوحيـه=ابيـه يتراجـع .. لان مـا ودي اضــره
لكنـه تمـادى فالخطـأ واستمـر التـيـه=صحيح ان من تحسـن إليـه اتقـي شـره

الشاعر
مطلق بن حنيتم

الله الله على الانتقاء الرائع
شكراً على الاضافه

الطرف الخجول . شكرا على النقل المميز و صح لسان شاعرها . تحياتي

ابو حمد
تسلم على التنسيق
تشرفت بردك و مرورك

الجديد
تشرفت بردك و مرورك




المصدر : يا شين الخطأ لا جاك مـن واحـداً تغليـه**تعـزه ولا تسمـع بـه الهـرج بالـمـره ...