رد الشاعر .شفاقه العنزي على ابو فايز (الجديد)

قصيده موجهه للشاعر / شفاقه عقيل العنزي
الشاعر الجديد ((ابو فايز)) ورد الشاعر عليها ((شفاقه عقيل رويضان العنزي))
نبداء بقصيدة ابو فايز

واقلبي اللي طواه الحب يا شفاقــــــــه=طويت اشنون على الديران مطويــه
على وليفن عليه النفـس يا شفاقــــــــه=ماتـــنـردع دايـمــن بالحـب مـبليــه
العين عين الوحش للصيد يا شفاقـــــه=وإن قلت وش نوعها نقول بحريــــه
بحريتن لا اطلبت تعجبك يا شفاقــــــــه=سون على المرتفع بالبوز ماريــــــــه
تلقط له الأرض لين يروح يا شفاقـــه=ثم اشلعت له عليها اكفوف مدميــــه
لا حولت به من اللجـات يا شــفاقـــــه=تقول هذي لها يوميـــن مـــرمــيـــه
صقارها عيد ما يحتاج يا شفاقـــــــــه=له سيرتن بالولع ماهيب مخـــفيـــــه
وباقي وصوفه نقول الموت يا شفاقــه=الشرع في حكمنا لو هي يهوديــــــه ؟
ما يسمح الشرع بالتوصيف يا شفاقــه=وما جاك من وصفها عشرين بالميـه
وجدي عليها وجودن دوم يا شفاقـــــه=فراغ نقطه تكـــملها على حيـــــــــــه
يوم ضحكت له يشوف العز يا شفاقـه=واليوم في بطنها يا كــافي السيــــــــه
أنخاك حيثك سديد الرأي يا شفاقــــــه=ومن غبت الجم لك إدلي مملـيــــــــه
أجزم إفزعتك لا تخمين يا شفاقـــــــه=وأبنتظر ردكم لو طال حوليـــــــــــه
واسلم وسلم على الغالين يا شفاقــــــه=ما لعلعت صوتها بالدوح قمريـــــــه

..........
وهذا رد الشاعر (شفاقه عقيل رويضان العنزي)
بجاهه وماله ومعهن بيته وساقه.؟
جديد شعر الجديد اليوم لي ساقه.=ساق الطواريق بينتن ومخفيه.
ساق الطواريق لي اجلال ودقاقه.=وأنا على الغيب مالي طلع ماليه.
الغيب ما يعلمه يا كود خلاقه.=محجوب عرفه عن إنسيه وجنيه.
قلته وأبسير مع طاروق مطراقه.=وبأبذل الجهد والنية شماليه.
ماجور مأجور يامن بالهوى ساقه=ساقه هوى جادلن بوصوف حوريه
وشبيهة الحور من صارت له إعشاقه=تتل قلبه من أقصى أقصى عراويه
تتل قلبه من عروقه ومعلاقه.=ويصبح نديم السهر والحال مبريه
وليا تذكر غلاها وصدق ميثاقه=وقفايته والتفاته ترجي الجيه
تشب في وسط قلبه نار حراقه=وحرايق الحب ما يطفيهن الميه
والبيض فيهن وصوف الريم وأخلاقه=يابعد قريبهن والنفس مبليه
تلعات الأرقاب للألباب سراقه=كم صوبن شيخ قومن يحتمي الهيه
واقفن بقلبه وخلنه على الساقه=يركض وراهن مع الدار الخلاويه
والوقت دوار والأيام صفاقه=والنفس توذيك لا صارت شقاويه
ومن طبع الأيام جماعه وفراقه=ومن سار بالدرب سمع وشاف ماريه
والصبر مفتاح بابن جود إغلاقه=وعواقب الصبر محموده ومرجيه
ولا ليلن لا قفاه الصبح بإشراقه=ولا صبحن إلا تبا تقفاه ليليه
هذا وصاحبك واقف لك على ساقه=ممشاه ممشاك لو الرجل محفيه
بجاهه.وماله.ومعهن بيته وساقه=قدام قدام واللفته ماهي ليه
وأسلم وسلم عدد ماخط بأوراقه=على أهل الطيب والربع السنافيه
(الشاعر /شفاقه عقيل رويضان العنزي)

صح لسان الشاعرين
وسلمت يلبو صالح على الاضافه لاهنت

صح لسان الشاعرين ابداع في ابداع ولك الشكر يابن مطيع على النقل

مساجله بحجم الشاعرين ابوفايز وشفاقه

أمتعونا بشعر يطرب له السامع ويعيده القارئ


والشكر موصول لمشعلنا الغالي

مشعل بن مطيع الف شكر على الاضافه

وسرعة التفاعل وننتظر الجديد يابوفايز


تقبل مني اجمل تحيه مع التقدير والأحترام

اخوى
بن مطيع
لاهنت ومشكور على الاضافه الرائعه
وصحت ألسن وسلمت قلوب الشاعرين الكبيرين
ابو فايز وشفاقه العنزي إسناد ورد جزل إستمتعت بها
تحيتي

صحة الألسن قوه شاعريه ومعنى وجزاله...ابو فايز يقدح من راسه
ولايهون شفاقه العنزي..
والف شكر على الايراد يامشعل
ولك اجمل تحية

شرفني مروركم العطر
ودمتم بحفظ الباري