يا الطارش المنعوب لاجيت جلال = بالله عني صافحه سبع مرات

يا الطارش المنعوب لاجيت جلال = بالله عني صافحه سبع مرات
قل له سلمت ودمت ياطيب الفال=خلك لبيب ولا يفوتن الافوات
ليا قيل لك سبحان علام الاحوال=قل عندنا علم النفايل والاوقات
وقل موردين في تبارك والانفال=والا انت ماعمرك قريت التحيات
نبي نقول الحق والحق ينقال=مادام حي سعود جلال ما مات
اسمع كلام اللي الي قال ماسال=ولا يستهيض بجابةٍ مالها اثبات
علمٍ تقف عنه السوالف والاقوال=الله يشيل من الملا كل قتات
شذابة المقفي خبيثين الاعمال = مافيه مشكل مالهم فيه بصمات
عندي خبر لكن تبينت عذال=والناس من كانت عوايد ورادات
يفهم عسى والا لها الفين حلال=ياخذ ويعطي والسوالف مقيمات
اما ضربت بقلته يابس الجال=وقضبت سبق لحيته كل شمات
والا شرب في ذلتي منه فنجال=وياما تعشا الحوت من راس حوات

سبيل سند الحصنــــــي

الله يرحم سبيل وجلال واموات المسلمين
شكراً ذعذاع على الاختيار لاهنت

الله يرحم الشيخ جلال الفرم
ويرحم الشاعر سبيل بن سند الحصني
واموات المسلمين ولاهنت اخوي ذعذاع الشمال
على الاضافه الرائعه الجزله
تحيتي

ياهلا بكم.

الله يرحم الشاعر
وشكرك ذعذاع
على الاضافة

أخونا ذعذاع الشمال تسلم على النقل . الله يرحمنا أجمعين . تحياتي

هلا فيكم ..

ياهلا .