اللي يقول أنه له على زيد مشـروه ..

اللي يقول أنه له على زيد مشـروه=اليا وردت الشرهه يجـي ويتشـره
ما هو كـلام يقـال بغيابـه اوحـوه=واليا حضر مـا صـار مثقـال ذره
ان كان شفتوا في مـا فـي سمـوه=وأنا اعتبرها مـن أصدقايـه مبـره
وأن كان غنيتوا على مـا سمعتـوه=الهرج خلى أريـاق الاحـرار مـره
كم واحـدٍ بعتـوه غيـب وشريتـوه=لا شوف عيـن ولا تقصـون جـره
تراى الكلام بغيبـة الرجـل مكـروه=خـص الكـلام اللـي بليـا مسـره
لا قايـلٍ هـاتـوا ولا أقــول ودوه=من فضلكـم خلـوه خيـره وشـره
ولو كل من قلتوا هرج قلـت هاتـوه=أصبحـت مـا بجيبـي أزرارٍ يـزره
وبعض المجالس بس فضوه وأملوه=بحرٍ بـه الغـواص مـا جـاب دره
كم مجلسٍ اليا جيت واليـاه مملـوه=وإذاعته بأعـراض الاغيـاب حـره
تلقى الاخو معهم ينافق على أخـوه=والله ما أغتاب أخوي لا ذقت حـره
هذا الكلام أخـذوه والباقـي أنسـوه=ما أرضى على نفسي أسلوب المضره
وراع النفاق اليـا عرفتـوه هبـووه=أن مـر والا تاصلـه فـي مـقـره
واجب على من عاينه قـال عانـوه=من شأن ما يغتـر بـه مـن يغـره

زيد مبشر الحصـــــني ..

صح لسان الشاعر
زيد مبشر الحصني وسلمت ياذعذاع على الاضافه لاهنت

اخونا ذعذاع الشمال تسلم على النقل المميز وصح لسان الشاعر زيد الحصني . تقبل مروري

هلا بكم ..