مرحبا بالسلام العذب والسلسبيل ( مجاراة )

مساكم الله بالخير جميع

مجاراة لقصيدة الشاعر القدير / غازي بن عجاب ابو زوايد ( شيخ قومٍ عمى عين القبيل )

مرحبا بالسلام العذب والسلسبيل=جاد بعد السلام من الفكر والمداد
شاعرٍ من وفاه يعاند المستحيل=لأجل ربعه ونعم المرجله والعناد
قام قومة حصان ولا بغاله زميل=دام علمه على مبدأ السنع والوكاد
في مدح شيخ ربعه ذب راس الطويل=شاعرٍماتجاهل واجبه بالقعاد
قال مبدأ قصيدي رد بعض الجميل=لشيخنا اللي عليه العلم والإعتماد
سلم راسك وعلمك من هذاك الأصيل=نادرٍ جعل قبره مايشوف النكاد
والعرب يابو فيصل عصبة ماتميل=عيال راشد ربيع العين قبل الفؤاد
يوقرون الكبير ويبردون الغليل=وياردون الزلال ويتعبون الطراد
يزبنون الدخيل ويشعلون الفتيل=يوم وقت الحرايب والقساء والعتاد
يدلهون الغريب ويكرمون النزيل=ويسندون الضعيف ولايشوف إضطهاد
ورجلٍ بدون ربعه عاش عمره ذليل=وقومٍ بدون شيخٍ قوم مرعى وهداد
ومايفيد الكلام بدون وعي ودليل=وماتفيد السيوف بدون نصل وغماد
وشاعرٍماوفى لربعه بشعره عليل=جعل شعره على طول الدهر للنفاد
ومن يلومك تعده لاتحطه قبيل=خل بينك وبينه يالسنافي حياد

وسلامتكم

صح لسانك يابن نمران
ولايهون ابو فيصل ويستاهل شيخ الفرده بن حماد
وهذا وجبكم ياشعرائنا لاهنتم

ابن نمران صح لسانك وعـــــــلاشانك

ويستاهل الشيخ ابن حماد المديح

سجل اعجابي وتقديري

اباياسر

صح لسانك ياسلام على القصيد الى نظم من واهس وحماس

وشيخنا يستاهل وعيال العود هم عزامه ونعم القبيله


مقبل بن نمران شاعر غني عن التعريف والأطراء

وكل ماقوله صح لسانك وبدنك

والشكر موصول لغازي بن عجاب الفريدي


الذي أظهر لنا هالدره سلمتم جميعا

وأجمل التحايا للفرده جميعاً عزوتي وتاج راسي

مقبل بن نمران صخ لسانك على هذه المجارات

صح لسانك اخوي مقبل

صح لسانك
وعـــلاشانك
ونعم بيك وبالشاعر غازي بن عجاب

على المدح الشيخ علي وعلى مجاراتك الجزلة

ما اقول الا بيض الله وجهك ووجه غازي

سجل شكري وتقديري لكم

اخونا الشاعر : مقبل بن نمران صح لسانك ولسان اخونا الشاعر والراوي والناقد ابو فيصل غازي ابو زوايد على هذه الدرر الثمينه ويستاهل شيخ القبيله المدح ولا يهون اولاد راشد . تقبلو مروري

صح لسانك ابوياسر

صح لسانك أبو ياسر .. فعلا أبو فيصل يستاهل .. وكلاكما من أعلام الجزالة ومن رجال القبيلة الأوفياء

كل الشكر لك ..