19-05-12, 10:46 PM
|
المشاركة رقم: 1 |
| المعلومات | | الكاتب: | | | اللقب: |
المشرف العام
عضو مجلس الإدارة
| | الرتبة: | | | الصورة الرمزية | | | | البيانات | | التسجيل: | Jul 2010 | | العضوية: | 3075 | | الاقامة: | القصيم بريده | | الجنس: | ذكر | | المواضيع: | 952 | | الردود: | 7757 | | جميع المشاركات: | 8,709 [+] | | بمعدل : | 1.65 يوميا | | تلقى » 102 اعجاب | | ارسل » 131 اعجاب | | اخر زياره : | [+] | | معدل التقييم: | | | نقاط التقييم: | 107 |
| الإتصالات | | الحالة: | | | وسائل الإتصال: | |
| المنتدى :
مجلس المحاورات والمساجلات الشعرية  مساجله بين الشاعرين الحميدي الحربي وجوهر الحربي
قصيده موجهه من الشاعر الحميدي الحربي
الى الشاعر جوهر الحربي
يالـلـي تـقـول الـوقـت فــي مـيـلـه دروس=يـرفـع بـهـا نـاسـن ويخـفـض بـهـا نــاس
دار الــزمـــان ودار مـــــع دورتــــــه روس=وابكـى الشـداد وخليـت ســروج الافــراس
عـشـنـا وشـفـنـا بـيــرق الــعــز مـنـكــوس=راس بــــــلا هـــمـــة وجـــســـم بــــــلا راس
عصيت عقول وعطيت الطاعة انفـوس=ســـلايـــل غــدابــهـــا ســـيــــل الافـــــــلاس
مـاقـصـدي الافـــلاس مـــن قـلــة فــلــوس=اكبـر وجـع ومصيبـة إفـلاس الإحسـاس
يـاجـوهـر الـغـالـب وانـــأ مـنــك مــريــوس=بـالـعــرف والإدراك وش يــطـــرد الــيـــأس
وش طــب قلـبـن قـبـل عقـديـن ملـمـوس=فـــي مـخـلــب قـطـامــي ونـيـبــان فــــراس
لـــو الـوطــن بـابــن جـعـيـدان مــحــروس=حامـيـه ظــل اخــوان نــورة مـــن الـبــاس
الـخـيـر واجـــد مـايـبـي عــنــوة عــســوس=كـــــــل الــســعــوديــة بــــعــــز ونــــومــــاس
لـكــن ســـرح فـكــري وقـادتـنــي هــجــوس=يــم الـجـروح الـلــي بـالاعـمـاق غـطــاس
وانت الطبيب ان كان هب الهواء كوس=اسـبــق بـطـبـك ركـــب قـطــاع الانــفــاس
كــد قـلـت قـبـل سـنـيـن والـــدار مـانــوس=اشـيــل جـــرح الـعــود لـمـفــارق ادبــــاس
جــــرح خــفـــي ودواه مــاهـــو بـمـلـمــوس=عــنــه الـخـبــر لــمــدوره عــيـــن لــمـــاس
نور الرجاء من داجـي اليـاس محبـوس=اللـيـل عسـعـس والسـحـر مـالـه انـفــاس
بـيــنــت يـاجــوهــر عــنــاويــن ورمــــــوس=عن بعض مابي وانت شاعـر وحسـاس
رد الشاعر جوهر على الحربي
جـــانـــي كــــــلام دق بـالــقــلــب نـــاقــــوس=واحـــــيـــــا طـــــواريــــــق جـــــديــــــده ودراس
وامسيـت فــي جــوٍ مــن الـحـزن مـتـروس=مـسـتـبـشـرٍ بـالـخــيــر والـــبـــال مــنــحــاس
مــن شـاعــرٍ شـعــره بـالاعـمـاق مـغــروس=قطع الذهب مـا هـو صـدى شـن ونحـاس
مـعـنـاه فــــي رمــــز الادب تــــاج عــــروس=نـقـشٍ مــن العـسـجـد تـزيــن بـــه الـمــاس
حـســاس والمـعـنـى بـالامـثـال مـحـســوس=يجلـي عـن الخاطـر صــدى هــم وعـمـاس
يـــا أبـــو حـمــد وضـــعٍ مـقــدر ومــــدروس=نـتـيـجـتــه لـــلـــي ســـعـــى فـــيـــه نـــبـــراس
الـطــب مـــا يــقــوى عــلــى كــــل فــيــروس=وبـعـض القـلـوب جروحـهـا مالـهـا قـيـاس
وقــــت تـغـيــر والـحـريــر انـقــلــب عـــــوس=وضاعـت مـواقـف لابــس الــدرع والـطـاس
تــخــاشــروا بـــالـــزاد مــســلـــم وهـــنــــدوس=ولا اشوف انا مـن بيـن الاثنيـن وسـواس
وان كان تشكي ضرس ابطى به السوس=يــامــا عــلــى غــيـــرك غـرابــيــل واتــعـــاس
مــن قـبــل شرهـتـنـا عـلــى بـــاري الـقــوس=والــيــوم دونــــك بــــاري الــقــوس ســــواس
الـمـعـضـلات كــبــار والــوضـــع مـعــكــوس=وش حـيـلـتـي والـشـعــر حــبــر بـقــرطــاس
مـــا ودي افـتــح لـلـغـى ســمــع جــاســوس=ويـصـبـح حـديــث بـيــن حـاقــد وبــــلاس
لــــكــــن عـــــــــزاك الـــيـــتـــولاك كــــابـــــوس=مـــــــا دام لــلــحـــوزة فـضــيــلــة وحـــــــراس
حــراس مـــن صـفــوة سـلاطـيـن وحـبــوس=مـــن هـازهــم فـــي خـــف الاقـــدام يـنــداس
بـظـلالـهــم عــاشـــت سـراحــيــن وتــيـــوس=حــتــى تــســاوى مــنــزل الــذيـــل والـــــراس
مـــا عـــاد بــــاق لـحـيــة تـنـطــح الــمــوس=كـل اللحـى صـارت تحـت مـوس هـلاس
التعديل الأخير تم بواسطة عبدالله حمد الفريدي ; 19-05-12 الساعة 10:50 PM |
|  |
العرض العادي
