مايبيّن الوافين كود المواجيب

بسم الله
هذه القصيده قلتها بمناسبة زواج الخال / نايف بن جازي الوسوس في حفر الباطن بداية عام 1428

والله لجي لو المسافه كلايف=واني للبّي دعوة الخال واجيب
ولو الظروف ثقال تصبح خفايف=مايبيّن الوافين كود المواجيب
والمرجله والطيب دايم ولايف=لاحازها الرجال نعم المقاضيب
وهاذي صفاتٍ كلها عند نايف=اقولها كلمة حقيقه وتجريب
واخوانه اللي كالسيوف الرهايف=نسل الكريم الحاتمي كاسب الطيب
الشيخ ابو نواف حر النوايف=اللي بعزمه ذوّب الصعب تذويب
شيخ بنى طلحه بعزم ونكايف=حتى زمت في عاليات المراقيب
هداج تيماء بالليال العجايف=ومع الكرم والطيب كثر التراحيب
وانتم شهودي بين سامع وشايف=عسى ولي العرش يجزاه ويثيب
عساه في قبرٍ براد وهفايف=في كل يومٍ تطلع الشمس وتغيب
من لابةٍ يامن لها كل خايف= لاجا نهارٍ فيه مثل المشاهيب
اليا احتمت ما يرتضون النصايف=الناقصه عند العرب مطلبٍ عيب
كم استووا من فوق قبٍّ عرايب=وكم اعتزوا مابين حماد وهديب
اولاد راشد والعزاوي صلايف=دون الشرف والروح فعل المشاذيب
ولا احدٍ يحوف المرزمات العطايف=اليا علا صوت البني الرعابيب
وايمانهم عن الدنايس نظايف=عوق الخصيم مدلّهين الاجانيب
مدحت ربعي بالبيوت الّلطايف= ولا انتقص حّق القبايل ولا اعيب
باذن الولي ماينبسن الشفايف=الا بكلمة حق مايشوبها عيب

خلف بن عتاق

ابو عبدالعزيز
صح لسانك , صح لسانك

ويستاهل ابو نواف


كم استووا من فوق قـبٍّ عرايـب = وكم اعتزوا مابين حمـاد وهديـب
اولاد راشـد والعـزاوي صلايـف = دون الشرف والروح فعل المشاذيب


بيتين تثبت الترابط ولله الحمد بين القبيلة

ابدعت , والله انك ابدعت




مدحت ربعي بالبيـوت الّلطايـف = ولا انتقص حّق القبايل ولا اعيـب

ماقصرت بيض الله وجهك علمك غانم يابو عبدالعزيز

تقبل مروري اخوي الكبير / خلف الفريد

صح لسانك ياأبا عبد العزيز ويستاهل نايف بن جازي

الطيَب ينعنا له

قصيده جميله والأجمل هذا الوفاء منك ياأبا عبدالعزيز

تقبل تحياتي

خلف الفريد

صح الله لسانك تمد الجزاله بمن يستحق ورحم الله أبو نواف

ويستاهلون خوالك وأنت كفيت ووفيت

دمت على الخير والمحبه والجزاله

المشاركة الأصلية كتبت بواسطة ابن منيديل

ابو عبدالعزيز
صح لسانك , صح لسانك

ويستاهل ابو نواف


كم استووا من فوق قـبٍّ عرايـب = وكم اعتزوا مابين حمـاد وهديـب
اولاد راشـد والعـزاوي صلايـف = دون الشرف والروح فعل المشاذيب


بيتين تثبت الترابط ولله الحمد بين القبيلة

ابدعت , والله انك ابدعت




مدحت ربعي بالبيـوت الّلطايـف = ولا انتقص حّق القبايل ولا اعيـب

ماقصرت بيض الله وجهك علمك غانم يابو عبدالعزيز

تقبل مروري اخوي الكبير / خلف الفريد

ابو تركي
كبير في الرد
كبير في الحب
كبير بسرعة التجاوب والتفاعل
كبير في الوفاء لربعك

اتعبتني بالرد يابن منيديل=عجزت لانقى لك جزيل العباره
فيك العطا والحب نبع كما النيل=ماهويجف ولا يغير مساره

المشاركة الأصلية كتبت بواسطة مشعل الفريدي

صح لسانك ياأبا عبد العزيز ويستاهل نايف بن جازي

مشعل الفريدي
مرورك عطر ومحبه
صح لسانك انت ايضا
لك حبي

المشاركة الأصلية كتبت بواسطة مجروح الزمن

الطيَب ينعنا له

قصيده جميله والأجمل هذا الوفاء منك ياأبا عبدالعزيز

تقبل تحياتي

اخي مجروح الزمن
مايعرف قيمة الطيب والطيبين الا الطيّب مثلك
والاجمل من قصيدتي مرورك ووفاءك

المشاركة الأصلية كتبت بواسطة مقبل بن نمران

خلف الفريد

صح الله لسانك تمد الجزاله بمن يستحق ورحم الله أبو نواف

ويستاهلون خوالك وأنت كفيت ووفيت

دمت على الخير والمحبه والجزاله

ابو ياسر
صح الله بدنك واكرم روحك
بل انت الجزالة متمثلة بشخص
مرورك سحابة ممطره وشذى عطر ترقص له النسمات
و ماقلنا الا الواجب وحسب القدره
ولي عتب
ان تتركنا كل هذه المده ،كثير علينا وانت تعلم اننا بحاجه الى مثلك والقول ينطبق اكثر على ابو عبد الاله رشيد ( ولا سوف انيخ راحلتي)
لك ودي واطيب اماني

صح لسانك ياأبا عبد العزيز

ننتظر المزيد

الابداع عااااااادااااااااتك