من جديد الجديد

قصيده موجهه للشاعر / شفاقه عقيل العنزي
______________________________________________

واقلبي اللي طواه الحب يا شفاقــــــــه=طويت اشنون على الديران مطويــه
على وليفن عليه النفـس يا شفاقــــــــه=ماتـــنـردع دايـمــن بالحـب مـبليــه
العين عين الوحش للصيد يا شفاقـــــه=وإن قلت وش نوعها نقول بحريــــه
بحريتن لا اطلبت تعجبك يا شفاقــــــــه=سون على المرتفع بالبوز ماريــــــــه
تلقط له الأرض لين يروح يا شفاقـــه=ثم اشلعت له عليها اكفوف مدميــــه
لا حولت به من اللجـات يا شــفاقـــــه=تقول هذي لها يوميـــن مـــرمــيـــه
صقارها عيد ما يحتاج يا شفاقـــــــــه=له سيرتن بالولع ماهيب مخـــفيـــــه
وباقي وصوفه نقول الموت يا شفاقــه=الشرع في حكمنا لو هي يهوديــــــه ؟
ما يسمح الشرع بالتوصيف يا شفاقــه=وما جاك من وصفها عشرين بالميـه
وجدي عليها وجودن دوم يا شفاقـــــه=فراغ نقطه تكـــملها على حيـــــــــــه
يوم ضحكت له يشوف العز يا شفاقـه=واليوم في بطنها يا كــافي السيــــــــه
أنخاك حيثك سديد الرأي يا شفاقــــــه=ومن غبت الجم لك إدلي مملـيــــــــه
أجزم إفزعتك لا تخمين يا شفاقـــــــه=وأبنتظر ردكم لو طال حوليـــــــــــه
واسلم وسلم على الغالين يا شفاقــــــه=ما لعلعت صوتها بالدوح قمريـــــــه

(الجديد)
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
وقريباً رد الشاعر شفاقه عقيل العنزي .

قصيده جزله من شاعرٍ جزل
صح لسانك وبإنتظار الرد لاهنت

أجـــزم إفـزعـتـك لا تـخـمـيـن يــــا شـفـاقــه

وأبـنـتــظــر ردكــــــم لــــــو طـــــــال حــولــيـــه

هل الصحيح أبفزعتك \

ابوفايز لله درك وش أقول وش أخلي والله ماأقدر أقول غير صح لسانك

ابوفايز شاعر غني عن التعريف والمديح يملك شعريه خاصه

وهالمره وحد الصدر بصوره شاعريه رائعه على أسم شفاقه

ابوفايز ننتظر رد شفاقه وشفقانين عليه

ولازم الصقر له تواجد بشعرك مالومك حكام وملوك شغف

قلوبهم ولع الحرار

تقبل أعجابي وأجل التحايا والتقدير والف شكر على الأضافه

العطره لاعدمناك

ابو فايز صح السانك
مايختلف على الخزانه الشعريه لديك اثنين
طبت وطاب اختيارك
وننتظر رد الوا يلي
الله يحييه وياك

صحت معانيك .. أبوفايز .

وبلاغة دلالات هذه الألفاظ .

وفعلا تكرر ( يا شفاقه ) في كل القصيدة ,, يثير الجدل .

بالنسبة للبعض ولكن من تمكن الشاعر لم أجد الخطاب يقصد ( شفاقه ) بنفسه .

إلا في :

أنـخـاك حيـثـك سـديـد الــرأي يـــا شـفـاقـه ...


وبقية الكلمات تفنن الشاعر بــالوظائف الجمالية .. في الخطاب الشعري .

فكان حضور التوريه والسيمياء يلعب الدور المهم في روعة هذا النص المتميز .

دمت وسلمت أبوفايز بكل جديد .

تحيتي وتقديري .

صح لسانك يابو فايز...
فراغ ..... نقطه تكملها على حيه ؟؟

يوم اضحكت له يشوف العز..؟؟
واليوم في بطنها...
انت شاعر معنى ...في معنى الكلمة
ولكن بيت التوجد ورديفه لم يكن واضحاً لي..
حسب علمي ان التوجد لابد ان يكون
وواضح (طبعاً هذه وجهة نظري الخاصه.)
بحكم قلة خبرتي...ويقول المثل اكبر منك بيوم اعلم منك بسنة
اتمنى التوضيح ومنك نتعلم ونستفيد اطال الله بعمرك بالطاعه
وصح لسانك مد بلا عدد
تقبل تحياتي

مرحبا بك مرحبابك مرحبابك
قصيده قمه مثل شاعرها والتزام الاسم بالشطر الاول يعتبر تاكيد وجمال للقصيده
يقول الشاعر علي القحطاني مرثيه برفيق دربه الفنان عيسى الاحسائي

ياهل الحساء وين الذي يطرب الناس=وين الطرب والفن وايام عيسى
كلن معه نغمه وعوده ومــــــــــــرواس =ياحيلة الله ياجماهير عيــــــــسى
خلا غصون القلب صرعا ويٌبــــــــاس=كلن نشدني ياعلي وين عيســـــى ؟!!
واهل الطرب غيره على العين والـــــراس=مشكور ياللي مايبي غيـــــر عيسى
مشكور لاتامن مع البيت جــــــــــلاس=كلن يبـــــي صوره مع اطفال عيسى
ويذكروهم كل بكره ومقـــــــــــلاس=ويهلو العــــــــبرات من شان عيسى

اخوي الشاعر
ابو فايز

رددتها من إعجابي بها وفعلاً تستاهل من يرددها
ولاهو غريب عليك الابداع دمت مبدعاً أيه االمبدع
دام وجودك وتواجدك
تحيتي

أخونا أبوحمد مرحبا . مرورك شرفنا . ولا هنت . تحياتي

أخونا أبوعمر مرورك شرفنا ولا هنت . ولو كان للصقاره تقاعد . ؟ اخذنا التقاعد كاملآ . و الرد قريبآ أنشاء الله تعالى . تحياتي