انا دخيلك ماتفيد المعاذير

هذه قصيده رثائية رائعه للشاعر الشاب عبدالرحمن جزا الوسوس
بشقيقه المغفور له باذن الله فيصل جزاء الوسوس
اليكم قصيدة الشاعر المبدع. عبد الرحمن

يامن يسبح له بجو السما طير=وله سبحت وسط المحيطات حوته
انت الجواد ويرتجي عبدك الخير=من كثر ماذنب قام همه يشوته
يارب كل اعمال عبدك بتقصير=لكن رجاه برحمتك قبل موته
انا دخيلك ماتفيد المعاذير=يامن صغاير فعلنا مايفوته
وإرحم عزيز غيبته المقادير=هيبة أسود الغاب فعله وصوته
وبالجود وانت ادرى بعبدك من الغير=مادس عن من جاه ماله بكوته
رجواه يلقى عن خطاياه تكفير=يامن ليا خافوه زبنوا بيوته
ليت القدر خلى زبون المخاسير=وأخذ عنه خبل كبار بخوته
بالكبد دق فراق فيصل مسامير=وإخوه لو مابه حياء جر صوته

صح لسان الشاعر الشاب
عبدالرحمن جزا الوسوس ورحم الله فيصل
ووالدي والمسلمين رثائيه واضح فيها حر الفراق
والاوضح شاعرية هذا الشاب ابو صالح بيض الله وجهك على الايراد لاهنت

اخوي / ابن مطيع



رحم الله فيصل وجميع اموات المسلمين



وجبر الله مصيبة والديه واخوته


وإنا لله وإنا إليه راجعون


ولااهنت يا بن مطيع


تقبل تقدري وتحياتي

رحم الله المتوفى فيصل جزاء الوسوس
وأمواتنا وأموات المسلمين عامه
وصح لسان الشاعر عبدالرحمن الوسوس
ولاهنت اخوي مشعل بن مطيع على النقل والنشر
تحيتي

صح لسانك اخوي عبدالرحمن الوسوس

والله يرحم فيصل جزاء


ولكم البقاء والله يغفرذنوبه ويتجاوز عنه سيئاته

ابو حمد
ابو ناصر
ابو فيصل
ابو عمر
بنيابة عن شاعر القصيدة (عبد الرحمن الوسوس)
صح الله ابدانكم على المرور الجزل والمشرف
ولانستغرب منكم هذا
ودمتم بحفظ الباري

صح لسان الشاعر عبدالرحمن

والله يرحم اخوه وجميع اموات المسلمين


وشكراً لك ابوصالح على الاظافه

صح لسان عبد الحمن والله يرحم فيصل رحمة واسه ..
ومشكور يامشعل المجالس على النقل
ولك اجمل تحيه

أخوي علي
اخوي نواف
شرفني مروركم على الموضوع
تقبلو مني اجمل تحية لكم