18-07-07, 05:04 AM
|
المشاركة رقم: 1 |
| المعلومات | | الكاتب: | | | اللقب: | ::عضو ذهبي::
| | الرتبة: | | | البيانات | | التسجيل: | Mar 2007 | | العضوية: | 18 | | الجنس: | ذكر | | المواضيع: | 18 | | الردود: | 314 | | جميع المشاركات: | 332 [+] | | بمعدل : | 0.05 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  قصيدة ( المقناص ) للشاعر دخين الفريدي
السلام عليكم ورحمة الله وبركاته
اخواني أعضاء مجالس الفردة هذه القصيدة الرائعة للشاعر الكبير ( دخين الفريدي)
انا شف بالي سجةٍ مع معاسر لوب"=" على الموتر اللي فيه عزبة وثلاجه
يهقويك في قطع الفيافي وشيخ جيوب"="على محركاته عن حيوف الحصى صاجه
على مقدمه تضفي من الهوب لين الهوب"=" يحالي لمشي اللي تبختر بتغناجه
لعله عن العثرة بستر الولي مصحوب "=" على سيته اللي في رجاء الله وبفراجه
نشامى وخف نفوسهم فيهم العذروب"=" من العصر ما خلوا لهم في الوطا حاجه
يشلع عشاء من بين الأشماط واليعبوب"=" على تلته رغبة خفوقي ومعراجه
على طارته واللي يميني أثنين حروب"=" يبون الظهر عن دوخة الرأس وزعاجه
يشد المشاعر بينهم شيلة المسحوب "=" لحنهم يبدل ضيقة الصدر بعلاجه
نبي ديرةٍ فيها لنا يذكرن أذهوب"=" نصيفة شهر نفقد بها البث وأبراجه
على شلعة الجوزاء من الرأس الأبيض صوب"="يسار المصلي يوم صلى على حجاجه
نبى الديرة اللي ما تورض بها الشذوب"="حديد الضروس اللي للأعراض علاجه
بعد ما أنهزم ثلث الدجى وأبرد اللاهوب "=" تدانى العتيم اودع البدر وسراجه
لزيز البولندي بالحلى غاية المطلوب"=" اليا طرقت عين المكفى بهملاجه
عثرنا اللعيبه والفحل يركز العرقوب"=" يصف الأذاني بأخر القاع بمعاجه
نتلنا وراه اللي على طردهن مرعوب "=" يحوفه أدريول حوف عايض لميراجه
وقف بم خمس اللي بقطف النفس موهوب"=" عشير النشاما يوم ناش الوعر ساجه
على ساقته ربان ملح الرصاص ايذوب "=" شَعَث باللهد عج الثميدي ومدحاجه
مشاهَد ولع واللي تولع بها ما يتوب"=" عليه الخفوق يشاعف الود وخلاجه
هو المشهد اللي لا مدبلج ولا مكتوب "=" يَهَدي لهيب ٍ بين الأضلاع وهاجه
:
بعضاً من مفردات القصيدة
لوب/ اللابة .. حصى الحرة أو لابه الحرة المنصهرة من البراكين
الأشماط / جبال جنوب النقرة ديرة الشاعر
اليعبوب / جبل يقع غرب النقرة شرق جبل العلم المعروف وشمال العيثمة
الرأس الأبيض / جبل أبيض في جهة شرق الحرة
البولندي / رصاص الشوزن .
الحلى / جبال الحرة يقال لها حلي . ومفردها حلاه .
عشير النشاما / لقب لأحد أصدقاء الشاعر اسمه فيحان سليم المخلفي من أهالي النحيتية .
لكم الود والمحبة
ابن راشد
التعديل الأخير تم بواسطة خلف الفريد ; 26-07-07 الساعة 01:05 AM |
| |
العرض العادي
