ياخل قوم وجيب بيـض القراطيس..

ياخل قوم وجيب بيـض القراطيـس
وجيب القلـم وجيـب للكيـف دلـه
أبكتـب ابيـات ن بقلبـي محابيـس
من شاعر ن بـدع الشعـر ولعتلـه
قامت تلاعب بي بحـور الهواجيـس
ابتـرك الهزلـه وبخـتـار جـلـه
أبنصحك عـن خايبيـن المجاليـس
عاشر حكيم الـراي والنـذل خلـه
رجل ن ليا جيته هروجـه مفاليـس
ورجل ن ليـا جيتـه ابـد ماتملـه
ورجل ن أذا شفته تعوذ من ابليـس
ورجل ن تشوف بوجهه الخير كلـه
ورجل ن يعكر دنيتـه بالوساويـس
ورجل ن بـه الايـام عيـت تحلـه
ورجل ن يلهدم دنيتـه بالوساويـس
ورجل ن يعقد الراي و رجل ن يحله
ورجل ن حياته كلبوهـا عواكيـس
ورجل ن حياتـه مثـل ماقيـل فلـه
ورجل ن يحب ويعشق الضمر العيس
ورجل ن غرامه بين نجـرن ودلـه
ورجل ن كلامه مثل ضرب الدبابيس
ورجل ن كلامه مايجـي فيـه زلـه
ورجل ن لجل ربعه يجيب النواميس
ورجل ن يجيـب الكارثـه والمذلـه
ورجل ن يصر المال في داخل الكيس
ورجل ن على المحتاج مالـه يهلـه
هذي وصايف قلتهـا لـك بتقييـس
وانـت فهيـم وكـل دربـن تدلـه
واعوذ بالله من غثى الوقت وابليـس
والحمـد للـي عزنـا بخيـر ملـه

للشاعر عيسى سليم السحيمي الحربي .. بديع القـــاف ..

صح لسان السحيمي .

ودمت أخي القدير / ذعذاع الشمال .


على روعة النقل والاختيار .

تحيتي وتقديري .

صح لسان الشاعر
عيسى سليم السحيمي الحربي
ولاهنت اخوي ذعذاع الشمال على النقل والنشر
تحيتي

اخونا ذعذاع الشمال بيض الله وجهك ولا هنت على هذا الاختيار . وصح لسان الشاعر: عيسى السحيمي .
تقبل مروري

صح لسان الشاعر عيسى السحيمي
وسلمت يا ذعذاع على الاختيار لاهنت

صح الله السان الشاعر وصح بدنك ع النقل الجميل

صح لسان الشاعر السحيمي
وتسلم يمناك ذعذاع

مروكم عرف على ظهور الاقلام ..

ياهلا فيكم ..