مساجلة

أسعد الله أوقاتكم بكل خير
هذه مساجلة بيني وبين الشاعر فهد كريم الضميني العنزي وهو أحد الزملاء الذين تشرفت بمعرفتهم في مجال عملي بالتعليم

ياأبو سمو وين أهل السلم والجود=وين الرجال اللي يذري ذراها
وين الزحول مزبنة كل مضهود=ماأبعد مسافتها وماأبعد قراها
البارحة جفني عن النوم محدود=تحده هجوسً تزاحم سراها
تاخذ بي الأفكار سجات وتعود=وليا عودت تضفي لقلبي بلاها
لو نأخذ الدنيا بحيلات وجهود=يمدي ملكنا وملكنا مايضاهى
مار النفوس تشوم عن كل منقود=ووجيهنا تكرم وتكرم لحاها
راضين بالمقسوم والنقص والزود=وترى القناعة كنز متحدن لقاها

رد الضميني

يامرحبا ترحيبةً أحلا من العود=أحلا من العود المنقا شذاها
جتني بيوتً تعتلي كل منقود=من صاحبٍ جزل المعاني بناها
دنياك هذي كلها صد وجحود=صعبة على الطيب بعيدٍ مداها
يعيش فيها كل هافي ونمرود=واللي دروب المرجلة مابغاها
أصبر ترى في تالي الصبر مردود=لعل نفس الحر تلقى مناها

االشاعر عبدالله

صح لسانك ولسان العنزي

اتحفتونا لك مني اطيب تحيه

مساجله رائعه
صح لسانك يا بن مغضب
وصح لسان الشاعر الضميني
وشكراً على الاضافه لاهنت

صح بدنك شاعرنا / علي بن محيميد الفريدي

مرورك شرف يابعد حيي

مشرفنا الغالي / أبو حمد
صح بدنك تسلم تسلم يالسنافي

تقبل مني أجزل التحايا