قصيدة وطنية رائعة للشاعر هجاج الوسوس

(((معزي)))

	معزي نعمته دامت سلايل =شكرنا الله.. ودامت في بديله حشا لله ما نرضى بدايل =ولا يرضى الحكم غير بسليله الا يا حي من للمجد طايل =مليك العُرب.. قاده تلتجي له أصيلة.. ما لها غير الأصايل =هل العوجا.. والانساب الأصيله عيال العود.. مضراب المثايل =صفاته نادراتٍ.. مستحيله لحكمه.. بايعت كل الحمايل =عزا فجعة فهدنا.. في رحيله عطا.. ما رد للي جاه سايل =عدا تقبيل يمناه الطويله ما يرضى.. خضوع شعبه والتمايل =ولو قادة شعوبٍ تنحني له كعام الضد.. وظلال القبايل =يجور الحمل.. لكن يرتكي له هموم العرب.. والإسلام شايل =خدم بيتين.. والثالث يخيله على وضحى النقا.. بيض الفعايل =لا ناش الزند.. صوان الفتيله مقر العدل.. ما به شيء مايل =عدا عقاله.. شويه فيه ميله ملك باني عدل.. للظلم زايل =وطن.. ما هو مليكه.. عزتي له والا يا لله يا منش المخايل =تديم العز.. واليمنى الجزيله ولي العهد.. لا جات الصمايل =يدوس الراس.. ويزبّن دخيله ابو خالد.. احبه.. حب هايل =ولا لي فضل احبه من جميله احبه كثر.. حبه للجمايل =احبه كثر.. حبه للفضيله احبه كثر.. ما وصول الطوايل =يشوفه ركن.. ونشوفه نفيله عهد.. ما جال دمي.. فيّ جايل =غلا سلطان.. شيال الثقيله قسم بالله.. ما انسى له فضايل =ولو تنسى الكنانه.. فضل نيله رعى الله مهد خاتمة الرسايل =بلاد العز.. وامجادٍ جليله نخيل الخير.. توحيد.. وصقايل =رموز الحكم.. بالرايه دليله من معزي.. لأبو متعب دلايل =إجابة ربنا.. دعوة خليله ليوم الدين.. يا بلاد الأصايل =بعز.. وأمن.. واخصامك ذليله

هجاج الوسوس

صح لسان شاعرنا هجاج وسلمت ياابو محمد على نقلها لنا

قصيدة جزلة من شاعر جزل

تحياتي للجميع

منصور الوسوس;2069]

قصيدة وطنية رائعة للشاعر هجاج الوسوس

ولي العهد.. لا جات الصمايل =يدوس الراس.. ويزبّن دخيله
أبو خالد.. أحبه.. حب هايل =ولا لي فضل أحبه من جميله
أحبه كثر.. حبه للجمايل =أحبه كثر.. حبه للفضيله
أحبه كثر.. ما وصول الطوايل =يشوفه ركن.. ونشوفه نفيله

صح لسان الشاعر هجاج الوسوس 0000

الشكر موصول لك يا الغالي منصور الوسوس 000

سلمك الله من الحر والشر 0000يا ولد ابوي 000

بسم الله

ابو محمد

دائما مشاركاتك سفير فوق العاده!!

شكرا على نقل هذه الرائعه من معلقات الشاعر الكبير هجاج الوسوس

لاعدمتكما ناقلا وشاعرا

ولك حبي

لاهنتم يا عيال العم وصحت ابدانكم وانما يتميز الشعر

حين يجد متذوقين رائعين امثالكم

لكم مني ازكى تحية وباقات كادي خاصة للفريد عظم العرب

صح لسان الشاعر هجاج الوسوس ...ويعطيك العافية أخوي منصور على النقل .....دمت بود

منصور الوسوس

دامت لياليك الملاح ونقلك المتميز الوضاح وصح لسان الشاعر

البيت السادس والسابع والثامن مكرر خطأ بالنقل غير مقصود

مع خالص محبتي وتقديري

مشعل الفريدي

مقبل بن نمران


اشكركم على اضافتكم ودمتم بخير

كما سبق وان قلت في تعليق سابق لإحدى قصائد هجاج


((ليست الا كونها رائعه من روائع هجاج الوسوس))

صح لسان من كتب القصيده وسلمت يدا من نقلها لنا

لكم تحياتي

الشاعر / هجاج الوسوس

شاعر مبدع بكل قصائدة الوطنية وكذلك العربية

مثل قصيدته عن فلسطين

ولكن نبقى على عتبنا لغيابه عن مجلس ربعه حتى نرى ماهو العذر؟

ولكن صح لسان الشاعر الغني عن التعريف

والف شكر ( للوفي لربعه ) على هذا النقل الرائع