تشرفت امام خادم الحرمين

اخواني الاعزاء في مجلس العز والشموخ
اعتذر منكم بعد غيابي عن الموقع وذلك لبعدي عن النت
طيلت وجودي بالبر . واقدم لكم هذه القصيده لعلها تنال استحسانكم
حيث تشرفت بها امام سيدي خادم الحرمين اثناء
وصوله لروضة خريم في 5/5/1433هـ

بامرحبـا يـا زعيـم المجـد ووسامـهحيـاك ربـي يقولـه شعبـك الـوافـي

تحيـة بـالـولا تكـتـب عـلـى الهـامـهعلى جبين المواطـن حبـك الصافـي

حي المليك الكريـم و حـي مقدامـهمثل الحيا نور وجهـك يـوم تنشافـي

هلا وسهلا بحبيـب الشعـب وايمامـهحيـاك ربـي ودمـت بخيـر متعـافـي

تسلم ياعز الوطن حاميه واحسامـهياعز راس السعودي تاجـه الضافـي

هلا يـادرع العـرب لاثـارت اخصامـهيانـخـوت اليعـربـي ولزلـتـه رافــي

درع الخليجي وسوره وخيرة اعلامهصفوة ملوك العرب بفعال ووصافي

خـادم بيـوت الالـه وناصـر اسـلامـهياقدوت امة محمد عـرب واحلافـي

ياسيدي من مسكة الحكـم بزمامـهرفعة شان الوطن ياخيـر الاسلافـي

بسبع السنوات شعبك حقق احلامـهاسما شموخ المعزه عدل وانصافـي

حي التطـور وعهـدك للوطـن دامـهيامسس نهضته فـي مـدن واريافـي

مشروع مكه وطيبه حطـم ارقامـهالله معينـك علـى تحقيـق الاهدافـي

وحجـاج بيـت الكريـم شهـود ليامـهومكه حرمهـا وسيـع لكـل مطافـي

يحتار فكـر اللبيـب وتنشـف اقلامـهمايحصي المعجزات بنهضـة الوافـي

ركـايـز العـلـم والتعلـيـم بقـسـامـهكم جامعه في بلدنا لبنـت وسنافـي

من الجنوب العريب لشرقه وشامهصـروح علـم تلـوح بكـل امشرافـي

تسلم ويسلـم ولـي العهـد وحزامـهنايف عضيـد السعـد وبحنكتـه نافـي

رمز الوفـى والامانـه بصمـة ابهامـهيكفي تفاخر نجـاح الامـن لـه كافـي

والجيش حيه وحـي سلمـان قدامـهتباشرو فـي قدومـه كـل الاطرافـي

مجده فخر للبواسل عـز فـي عامـهوتاجه قرار المليك الصايب الشافي

وعلى الرسول الامين الذكر بختامـهعليـه اتـم الصـلاة بجـهـرو الخـافـي

الشاعر / سعد هذيل

هلا يادرع العرب لاثارت اخصامه .. يانخوت اليعربي ولزلته رافي

بيض الله وجهك يابو فهد
قصيده جميله ابيات من ذهـب
معاني جزله
وافي وصح لسانك

صح لسانك ابو فهد
قصيده جزله كعادتك وبمن بمن يستحق الاجلال
لاهنت وشكراً لك الاضافه
تحيتي

يستاهل أبومتعب .

وصح لسانك أبوفهد .. بهذا الاسلوب والتعبير المتميز .


تحيتي وتقديري .

المشاركة الأصلية كتبت بواسطة سعد بن هذيل

اخواني الاعزاء في مجلس العز والشموخ

اعتذر منكم بعد غيابي عن الموقع وذلك لبعدي عن النت
طيلت وجودي بالبر . واقدم لكم هذه القصيده لعلها تنال استحسانكم
حيث تشرفت بها امام سيدي خادم الحرمين اثناء
وصوله لروضة خريم في 5/5/1433هـ

الشاعر / سعد هذيل

ابوفهد صح لسانك ويكفي عن جميع المدح والأطراء هذا الأقتباس

هذه الدره وبمن خادم الحرمين ملكنا الغالي أطال الله في عمره

سجل أعجابي بهذه القصيده والتي تجلت بجميع الأوصاف

أخي أبو فهد
قصيده رائعه بما تعنيه الكلمه

يستاهل أبو متعب طال الله في عمره
سجل أعجابي بالقصيده رائعه
وبيض الله وجهك .

بيض الله وجهك يابو فهد
عوضتنا الغياب بهذه الدرة الشامخه
صح لسانك مليون قصيده رائعه كروعة شاعرها
وفي ملك محبوب يستاهل ابو متعب البسه الله لباس الصحة والعافيه
وافيه ياوافي لاهنت

وفاء لاحدود له
بيض الله وجهك يابو فهد على هذه الرائعه
كفيت ووفييت وصح لسانك
لاعدمتك

صح لساااااااانك ابو فهد
على هذا التعبير الجميل في ملك القلوب اعانه الله واصلح الله له البطانه

الله الله صح لسانك على هذه الدرّة الرائعة

وافية لعنوان الوفاء خادم الحرمين الشريفين

كل الشكر والتقدير لك