يا ذعار ...

في مجالس العز و الشموخ
اقدم لكم هذه القصيده التي اسندتها على الاخ العزيز ذعار بن عبدالله الصالحي و اتمنى ان تصل الى اذواقكم

ياذعار يانسـل ال حـرار العريبـيمن لابتي مسروح والفخـذ صـلاح

من نسل قوماً يحتمـون الطليبـيدخيلهم ضيـم الزمـن عنـه ينـزاح

اذوادهــم تـرعـى بعـيـد وقريـبـيـحماية الباكـور مـا رد و مسـراح

ياذعـار قلـي ماصدفـكـم حبيـبـيالبارحـه ياذعـار ماشـي للاسيـاح

من فوق لكزس فل كامل حليبيوارقـام لوحاتـه للاسيـاح مفـتـاح

فيه الحبيب اللـي جمالـه عجيبـياخذ على زين البشر تـاج ووشـاح

عطني الخبر قـدام تسمـع نحيبـيطمن خفوقاً ماتطمـن و لا ارتـاح

ابشتكي لك سقـم جـرحٍ عطيبـيحاولت أزيله عن خفوقي و لا راح

من البارحه و الحزن كله نصيبـيمن لوعتي كني على خف و جناح

اصارع اللوعـات اعطـي و جيبـيمايعوم في بحر الهوى كل سبـاح

حبِ يـدوم وحـب شمسـه تغيبـيلـصار ماترويـه مـن عطـر فـواح

اخر هدايـا الزيـن صـوره ابـجيبـيواخر هداياالـروح قلـبِ لهـا صـاح

بدر حسين الفريدي

بدرحسين الفريدي

صح لسانك

قصيده راقت لي وهذا توقيعي


تسلم على هذا الابداع والشعر الذي

يطرب المستمع والقارئ


تقبل مروري وأعجابي وأتمنى أن التنسيق

والخلفيه راقت لك وننتظر منك المزيد

الله الله
صح لساااانك .... انا رايح امس انا وبن جضعان للطرفيه وشفت لي جيب كريمي والله الظاهر ياخوك انه مثل جيب الرجااال ههههه وبو عمر يتلفت بس الموتر مظلل ولاشفنا الرقم ولاانتبهت الا اليوم يوم قريت القصيده ..... مزووووووح
الله يرد الغايب وعسى الله يسهل امورك اخي بدر والعشق العذري ماهو عيب ومن زمان السنين وابشر بالعانيه والقصيده بس عسى الله يسهل الاموووور .... تقبل مروري وصادق شعوووري .........

الله ما أروع المعاني بجزل العبارات .

صح لسانك ..

شاعرنا القدير / بدر حسين بن رضيمان .

ولاهنت بحضورك الراقي .

تحيتي وتقديري .

الشاعر بدر حسين
صح لسانك وعلا شانك
وبأنتظار جديدك يابدر لاهنت

الشاعر العذب
بدربن حسين بن رضيمان
صح لسانك يابدر على هالفارهه والتي اعجبت بها
أيما إعجاب وردتها مراراً شكراً لك الاضافه الجزله لاهنت
تحيتي

صح لسانك يابدر ...

مــن فــوق لـكـزس فــل كـامـل حلـيـبـي=وارقـــــــام لــوحــاتـــه لــلاســيـــاح مــفــتـــاح
فـيــه الحـبـيـب الـلــي جـمـالـه عجـيـبـي=اخـذ عـلـى زيــن البـشـر تــاج ووشــاح
عطـنـي الـخـبـر قـــدام تـسـمـع نحـيـبـي=طـمــن خـفـوقـاً ماتـطـمـن و لا ارتـــاح
ابـشـتـكـي لــــك ســقــم جـــــرحٍ عـطـيـبــي=حاولت أزيلـه عـن خفوقـي و لا راح

كل القصيده تستاهل الاقتباس ولكن هذه الابيات شيله خاصه بصوت عذب
لا اقول الا صح لسانك مدد بلا عدد

المشاركة الأصلية كتبت بواسطة علي الجضعان

بدرحسين الفريدي

صح لسانك

قصيده راقت لي وهذا توقيعي


تسلم على هذا الابداع والشعر الذي

يطرب المستمع والقارئ


تقبل مروري وأعجابي وأتمنى أن التنسيق

والخلفيه راقت لك وننتظر منك المزيد

صح بدنك يابوعمر
اعتز وافتخر بـ مرورك و الاشاده منك اعتبرها شهاده
لاهنت يابعدي على التنسيق والخلفيه

المشاركة الأصلية كتبت بواسطة هابس العلوي

الله الله
صح لساااانك .... انا رايح امس انا وبن جضعان للطرفيه وشفت لي جيب كريمي والله الظاهر ياخوك انه مثل جيب الرجااال ههههه وبو عمر يتلفت بس الموتر مظلل ولاشفنا الرقم ولاانتبهت الا اليوم يوم قريت القصيده ..... مزووووووح
الله يرد الغايب وعسى الله يسهل امورك اخي بدر والعشق العذري ماهو عيب ومن زمان السنين وابشر بالعانيه والقصيده بس عسى الله يسهل الاموووور .... تقبل مروري وصادق شعوووري .........

صح بدنك وتحري بالطيب يابن علي
لـ مرورك اخوي هابس طابع خاص افتخر به واما موضوع الجيب هذا يبيله اتصال هههههه

دمت بخير

المشاركة الأصلية كتبت بواسطة نواف فارع

الله ما أروع المعاني بجزل العبارات .

صح لسانك ..

شاعرنا القدير / بدر حسين بن رضيمان .

ولاهنت بحضورك الراقي .

تحيتي وتقديري .

نواف فارع
صح بدنك ولاهنت
شكراً لك على هذا الكلام الطيب الذي يدل على سمو اخلاقك

دمت بخير