يامتعب الأقدام ماشي على ويـن

ابيات حكم للشاعر الكبير رشيد الزلامي








يامتعب الأقدام ماشي على ويـن

مع جرّة جاها العجـاج ودفنهـا

ارجع وعدّ خطاك وحده وثنتيـن

واكبح جماح النفس والزم رسنهـا

لاتامن الدنيا ترى وضعها شيـن

ماعاد به دنيـا صحيـح بدنهـا

لاصاروا العقّال مثـل المجانيـن

واصبح ردي العرف يامر وينهى

انا مجرّب والتجـارب براهيـن

اراهن الأيـام واكسـب رهنهـا

منها عرفت الفرق بين الفريقيـن

سبحان من صاغ العقول ووزنها

وان كان صح ان التجارب براهين

ضمنتها لن كان ربـي ضمنهـا

رفقة ردي المعرفة بعتهـا ديـن

على زبون " ضمّها واحتضنهـا

بغى يجيني بالثمن قلـت بعديـن

امسك فلوسك لين ننشـدك عنهـا

مابعتك الاّ سلعة" يااحمر العيـن

ابيعهـا وابيـع حتـى ثمنـهـا

والله مبي فيها ثمن لـو قرشيـن

بس المهم انـي تخلصـت منهـا

سلمت ودمت اخوي خيال
وصح لسان الشاعر رشيد الزلامي
تحيتي

خيال
لله درك على الاختيار الجزل
شكراً مليون لاهنت

اشكرك من الاعماق اخوي ابو فيصل على تواجدك

المتواصل ودعمك لما يطرح بالردود الطيبه.

مشكور اخوي ابو حمد وهذا من حسن ذوقك.

اختيار رائع
سلمت اناملك خيال

رفقة ردي المعرفة بعتهـا ديـن
............على زبون " ضمّها واحتضنهـا
صح الله السان الشاعر الكبير رشيد الزلامي
وصح الله بدنك اخوي

المشاركة الأصلية كتبت بواسطة ابو الرجال

اختيار رائع
سلمت اناملك خيال

الأروع مرورك ابو الرجال

المشاركة الأصلية كتبت بواسطة ابـن مـطــيع

رفقة ردي المعرفة بعتهـا ديـن

............على زبون " ضمّها واحتضنهـا
صح الله السان الشاعر الكبير رشيد الزلامي
وصح الله بدنك اخوي

شكرا على مرورك الكريم

صح لسان ابو جميل
انتقاء رائع ياخيال وذايقه عذبه ..
لك اجمل تحيه