يـا رجـم عـديـتـك وعـدابـي البـيـن جديع بن سودان يرثي زوجته رحمهم الله ..

يـا رجـم عـديـتـك وعـدابـي البـيـن=والـقـلـب فـي راسـك تبـيّح كنيـنـه
الـلـه لا يـسـقـي مـفـالـيـك عـاميـن =ذكرتـني راع الطبـوع الحسينـه
مرحوم يا اللي جهزوا يـوم الأثنين =العـصر من فـوق النعش شايلينـه
حطوا عـلى منبوز الأرداف زافيـن =حـطـوا عـلـيـه الـلـبـن وملحـدينـه
يا ليت كفي حـدر خـده عـن الطيـن =والكف الآخـر فـوق صافي جبينـه
أو ليـت يـومي قبـل يومـه بيومين =ولا الـمـرض مـا بـينـنـا قـاسميـنـه
لا يا حيـاة الشر عقب أريش العين =لا وهـنـي مـن شـافـنـا لاحقينه
شربت أنا مـن صافي الغبن كاسين =قـطـع معـالـيـقي وكـبـدي مـتـيـنـه ‏
يـا ونـتي ياشيـن فـرقـى المحـبيـن =يا عـيني الـلي مـن فـراقـه حزينـه ‏
يا سهـر عـيني والمخاليق ممسين =يا قـلـبي الـلي مـثـل دق المـكـيـنـه ‏
قـالـوا علامك عشرك اليـوم ثنتيـن =قلت اعذروني زيـن الأطباع وينـه
قـالـوا تـخـيـّر بـالـبـنـات المزاييـن=قلت كـل العذارى غيرهـا منكرينـه
قالوا عجوز وقـلـت وافالكـم شيـن =الخـمس والعشـريـن قـيمـة سنينـه
وجـدي عليها وجـد راعي بعاريـن =أمسى خـلاوي والسـرق حـايفينـه‏
هـن راس ماله واشلعوهن شيابين =وأصبح عـلى الجـرة يفـرك يدينـه ‏
أو وجـد مـن لحقـوه طلابـة الديـن =صـكـت عـمي الـقـايـلـه لاحـقـيـنـه
لحقوه عصمان الشوارب مغـليـن =وتـشـاوحـوه بـكـل شـلـفـا سنيـنـه ‏
هـذا وصـلـوا عـد نـبـت البساتـيـن =عـلـى نـبـي كـلـنــا تـابـعــيـنــــــــه

جديع بن سودان الخمشي