لايوجودي وجد من حاول المطلاع

لاياوجودي وجد من حاول المقطاع ا
على اربع ميه حوض تسعه بتصنيعه
حمل من المحذور حمله ثلاث انواع
والحد قدمه خايف من مقاطيعه
وقف عنه تقريب كيلو يشد اشراع
وشد الحبال مصلبه فوق تشريعه
تقل معه حاسوس ومشك من الاوضاع
من الخوف قلبه يسهجنه دوافيعه
شدد له التعميم من ريس القطاع
بخطاب وزع للمراكز بتوقيعه
خطه يجي من بين جالين قبل القاع
وجابو دركدر بينهن حط تربيعه
حدر ظلام الليل جابه مع المهزاع
ومغبره تغبير لايشاف تلميعه
مشى بليا نور للي تقل لماع
يوم الله انقذ سايقه من بواليعه
سحب ازرار النور لاهم تقول اسباع
عند الدركدر جاهزينن لتجميعه
وهذا الركدر والنثايل ثلاث ارباع
والحفره اللي بينهن هي مواقيعه
لولا دعوة أمه وعود على المركاع
يصير قبره حفرته وآخر البيعه
وهو يلهده باثنين والانحراف بساع
عاف الحياه ومعذر من مطاميعه
عطاه دعسه كامله صاطي بتاع
بسلك الابنص مدقره روس اصابيعه
لولا الاديتر كان راس المكينه ماع
من الكلبليتر يدفعه حر توليعه
طلع طلوع غصب سنود بارتفاع
حذف الحجر خلفه تشرر مصاقيعه
وحال الجبل من بينهم مع حدى الارياع
وسرا شكامينه تصفق لتنويعه
وكلن يقول الدوج وين انت يافزاع
انا اشهد انه راح الله من الضيعه
ضرب خريمه لامراقب ولا استطلاع
وحمله صلاة الفجر كد تم توزيعه
واعيني اللي عافت النوم والمهجاع
لاراتب ينفع ولا شئ ابيعه

ذياب عبيد الحيسوني

أخونا ذعذاع الشمال . شكرآ على النقل الجميل

ياهلا بك ..