الشاعر/سعود ابن عامر الفريدي

يـاسـلام الله سـلام بـعـد طول الـغـيـاب=الـرجـال الــي تــمرى بـوسـط اقـلـبوهـا
يـشرح الخاطر مجالس عزيزين الجناب=والرخوم ان روحت ماتشيل اجنوبها
وانت يابـن حـمود لـك بـالـفخر بـيـت وبـاب=والـمـراجـل.تـنـتـحي فيك يامندوبها
هـامـة ابـن حـمـود لاطاولـت روس السـحـاب=ماتـغـيـض الا رجال تـعـد اذنـوبها
الخطـا يـاهل الـخطا مـايـقـارن بـالـصواب=والـعرب ماتـتـفـق بـالفـكر اسـلوبـها
والله اني مـاتـــــهــاونـت فـي فـتـح الـكـــتـاب=لاجل بعض الناس مانـبتلش فعيوبها
نعرف ان الذيب ماينفعه من دون نـاب=والـميـاه الراكـده جـمعـت دغـــلــوبها
لو تقـول الـنصر قـلنا تحـداه الشبـاب=وشمسكم يا أهل الخطا تو حان اغروبها
والله انــا مـــاتـركــنـا بـلدنا للخراب=نـمــنــع الخاين يـدوس ارضـهــا وايـجـوبـهـا

أخونا أبوفيصل تسلم يمينك . و صح لسان الشاعر سعود الفريدي . و على المحبه نلتقي . تحياتي

صح لسان الشاعر سعود

وشكرا لك على النقل

صح لسان الشاعر
سعود بن عامر الفريدي
ولاهنت اخوي ابو فيصل على النشر
تحيتي

صحت معاني الشاعر /

سعود بن عامر .

ودمت أبوفيصل على هذا النقل والاختيار .

صح لسان الشاعر سعودابن عامر الفريدي


على هذه القصيده الجزله وشكراً لك يابوفيصل على الاضافه