من اجمل ماقيل في قبيلة حرب من قصائد !

السلام عليكم ورحمة الله وبركاته

اتمنى من الجميع ان ياتي لنا باجمل القصايد المدح والثناء والفخر

التي قيلت عن قبيلتي الغاليه (حرب)

سواء قيلت من شاعر حربي او من شاعر من القبائل الاخرى

بحيث يكون من بيتين فاكثر

او حتى قصيده كامله

اتمنى من الجميع المشاركه .

انا ابدأ

حــربٍ من القبله الى اقصى تخاديد = ويــامابــحـربٍ من رجـالٍ شـكـالــه
ويــامابــحـربٍ من كـرامٍ صـناديـــد=ويــاما بـهم من مدركين الجـمالـــه

هذا كلامي ياعــرب واسمعوا الـــقول.....العلم جــاكم يالــقبايل هــــنـيــا

لاطــال ليل الــذل ...والــظلم طـــــال.....حــنا فظل الــســيف دوم انـتــفـيـــا

حـنـا دواء للـظـلـم والــذل والخوف ......حــنــا نــبـيع ارواحــنا مــانتريـــا

حــنا لدار الــعدل والرخـاء رجــال.....حــــــنا لـــــكل الناس والله حــمــيا

حـنـا نـقــود الـنـاس بـزيـن الافـعال.....حـتـى الـردي فيـنا يـقـود الكـمـيـا

حـتـى صـغير السن وارباب الحـجال......تــخــضـع لـهـم كــل الــخــلايــق بـلـيـا

حنا الحروب بذكرنا تضرب امثال.....وهـامـاتـنـا طـــالت نـــجــوم الثريا

لشاعر/( همام الاحمدي )

حنا قبايل حرب ستر الرعابيب.....لاضاعت النخوات بين العبادي

لاعمارنا عند اللوازم جلاليب .......وان غليت الشيمه نزلنا المزادي

حنا قبايل حرب لاقطر الهوش ......نرسي كما ترسي رواس الجبالي

افعالنا هزت عماير ولد بوش ......يوم انحروها صاملين العيالي

شكرا مليون فهد
موضوعك رااااااااق لي

تــقّـــبــلــوا يــاحـــرب مــني تــحـــيه ..... تـحـيـتــاً ياحــــرب زايــد عـــددهـــــا
يـاحـرب يـاهـل الكـيف والشـاذلـيـــــه ..... مــثـل الـصـقـور اللي عطيباً هددهــا
آنــتــم أهــل فـزعــه وفـيكـم حـمـيه ..... ليا جـاء نــهــاراً فيه يــرجّـف رعدهـــا
آمــطــوعيــن الضــدّ مثــل المــطــيه ..... وأفــــعالكــم بالمـجّـد كـلاً شــهـدهــا
قــصّــيركــم بالـــنوم عــينــه هنـئـيه ..... مــتونْــســاً ورعــيتــه مــافــقــدهــــا
ومــداتــكــم جــزلـــه ولاهــي رديــه ..... مــثل البــحــور اللي ثـميـنــه أدررهـا
وأنا مــطـيري مـن قــبـيلــة قــويـــه ..... لاقــيل ويـن أمـطـيـر جـات بـمـددهـــا
ســم العــداء في كــل غـزوه وهئيه ..... وأفّــعــالنــا تشـهـد ولاحـداً جـحـدهــا


من كلمات / الشاعر

حــمــدان حــمــد الجعفري المطيري

الله نزل للأوادم سلامة =يبدابها قدام تبدى المناطيق
رجال ما يبدى الحديث بسلامه = ما طبق الكلمة على الصح تطبيق
سلام يارجال الوفا والقرامه = تحية لهل الوجيه المطاليق
من شاعر يدعولكم بالسلامة = والله يدبركم على حسن تدبير
قال ارجحا منكم عزيز مقامة = عموم للأخوان من غير تفريق
قال المطيري واسمعوا في كلامة =ينسق المعنى على الفعل تنسيق
رجل يحب الصدق والاستقامة = ياخذ من الكلمة على قدر ما يطيق
ياخذ من القول الصحيح انسجامة =عرفة يقولة ما يلفق تلافيق
عرض البشر واجب علينا احترامة = ما يشدخ الاعراض سبن وتعليق
يا حرب با رجال الوفا والشهامة = كعامة العايل رجالا عماليق
كم شيخ قومن من يداكم عدامة =بمشوكا خرق له القلب تخريق
من ضربكم قد عض سن الندامة = رموه رجحان الرجال التفافيق
قومه تخلو عنه بالانهزامه = كلا يقول اخاف يلحقني الحيق
خلوا عقيد القوم جنب العدامه = في ساعة ماطاح مافيه تبريق
على منام الناس لجوا يتامه = احفن وجنهن بالدموع المغاريق
تكثحن بالرمل عقب الكرامه = صجن سلفهن بالبكا والتصافيق
حرب لهم في نجد مركز زعامة =حمايه العطفة ليا الجمل سيق
حرب محاربة الدول بالقدامة = خلوا بطون الترك شيقا شمليق
حطوا البابور الانجليزي ردامه = توزعوهم يوم عند حاميه عيق
حربا لهم عند الفصير التزامه = نويشي ذبح سته رجال بطاريق
غير اليمين اللي قطعها علامة = على نقا وجه شهود المخاليق
ولا البلالي يرحم الله عظامه = فدا بنفسه للخوي ساعة الضيق
فعلة يسولف ليوم القيامة = على الشرف ماهي سوالف خناديق
السالمي محدن يطبق نظامة =والله ولا يلحق لفعلة ملاحيق

ارجو من الجيمع المشاركة ولو ببيت

القائل الشاعر جهزبن شرار المطيري رحمه الله واموات المسلمين

ماذمهم والله رقيبن عليه
أمعين الله والقبائل معيين

شيوخ الصخى صبابة الشاذليه
أيضا الى جات الفعايل مديحين

+++++++++++++++++++++++++++
يالله ياللي عالم بالخفية -- يا والي الاشيا بتدبيرك الزين
وحمدت ربي زين العلم ليه -- ومن غير تدباره ما حنا مسوين
وخلاف ذا يا راكب عدمليه -- منوة مودين الخبار المعنين
سلم على بن عقاب زبن الونيه -- ضيف الله اللي يحتمي خربة القين(1)
عميلنا اللي نسنحه بالغزيه -- وهو منول ما نويناه بالشين(2)
يقص جرتنا بقوم رويه -- مرة على أخذتنا وحنا معيين
بأمر الولي والعزوة العبدليه -- وربع على الصكات والهوش ضارين(3)
يوم أختلط للعج والملح فيه -- رجنا على قوم الشيوخ القديمين
شيوخ الصخا صبابة الشاذليه -- أيضا والى جت الفعايل مديحين
ما أذمهم والله رقيب عليه -- معي الله والقبايل معيين
والخيل نركبها الحزوم الحفيه -- راحت بفرسان الحمايل مطيعين
وخوان نورة شافوا المكرهيه -- راحن بهم قحص سواة الشياهين(4)
طاح العشى للذيابة الجفشريه -- وأنا لسرفات الضريا مضرين
باكل الغصيب ويا جدن البغيه -- ليا جا المقاضى عند طلابه الدين
والجيش رديناه رد الرعيه -- ما راح لو فوقه رماة فواتين
خلوا زبون الجالس العدمليه -- قاسم عقيد أقطاع بدو منيسين (5)
وخلف ربيع الضيف والاهليه -- عيد القوايا اللي على الزاد شفقين(6)
يا ليت متعب شاف هاكا العشيه -- ليته حضرنا شاف ما شافت العين(7)
يوم أقبلوا مثل الورود الضميه -- والا يشادون الحجيج الملبين)
(1)ضيف الله : هو ضيف الله بن عقاب الذويبي.
(2) عميلنا : العميل من يتعامل مع الاخرين ، والعملة ، هي أن يتفق قبيلتان غير صديقتين أصلا ، على تعايش سلمي وأشتراك بالمرعى والماء لمدة محددة.
(3) بأمر الولي والعزوة العبدلية: قال الشاعر هذه القصيدة في جاهليته وقبل أن يهاجر ، لهذا لم يأت بكلمة مثل (ثم) لجهله بأصول العقيدة.
(4) أخوان نورة : الذوبة من شيوخ حرب ، كانت عزوة أحدهم (أخو نورة).
(5) قاسم : هو قاسم بن براك شيخ قبيلة بني رشيد ، ومشهور بشجاعته.
(6) خلف : خلف بن ناحل الحربي مشهور بكرمه
(7) متعب بن جبرين شيخ بني عبدالله من قبيلة مطير

منقوووول .