عديت لولاح رفيع الحجايا
في راس ملموم القرى قمت احني
كني خلوج يوم صفق الرعايا
تحن بالمفلى لما روحني
على ولدها كيف سوت سوايا
طبايع ماضنتي يعملني
ساجت وراجت مالقت له حلايا
وخرشت ونشت والقوايم جثني
وتصن مثل اللي يوصى وصايا
تبي لعل سموعها يسمعني
داجت وشافت بالنواظر هفايا
حوايم على مداسه هفني
جتهن وشافت بس نثر الحوايا
جلده ومدراج الحمر يوم ثني
شمت وعرفت من لحوم الشوايا
تاقت بطيحه والضلوع اعولني
الدود من بين الضلوع الحنايا
قطع علايق قلبها واصرمني
جرحي غميق مثلها بالتهايا
عديت والمجمول عدوه عني
لوا طعوني بالضماير هوايا
محذا عيون بالحشى يفرغني
ياما عليك اشرفت حوض المنايا
ولاانت غافل تقل ماسلت عني
طاوعت بي هرج القفى والحكايا
تطريد هرج الناس كثره يعني
لواهني من مز هاكا الشفايا
من ذبل كن العسل بينهني
لصدرت منها حيامي روايا
من البيض غيره جعلهن ييبسني
هولي نحيه والعرب له نحايا
ودون نحيا القلب مايرجهني
ولاني بحال اللي جداه الزرايا
حباله عن اللي يشتهي يقصرني
الشاعر
سويلم العلي السهلي
سويلم العلي السهلي رحمه الله : عديت لولاح رفيع الجايا 
العرض العادي
