حنا بنات العز نخوات الابطال

عندي عزيمة نفس عن الف رجال = وجروحي تنزف والمحاجر بخيله

البس وسام العز من الفخر سلسال = وبي شيمت(ن) مثل المهار الاصيله

كن الزمن حزنٍ وانا فيه موال = وظفرت من جور الليالي جديله

اتبع دروب الطيب ماهمني القال = حقوق الكرامه بالنفوس الفضيله

شوفاتنا دايم على روس الاجبال = ماني من اللي في حياته ذليله

ماهمني هرج القفا هرج الانذال = واللي يقف في درب جاهي ياويله

حنا بنات العز نخوات الابطال = موت هيبه ولايدنس شليله

اطباعنا مانتركه مد الاجيال = وسلومنا لبس العباة الطويله

صحيح نعشق ,,وعشقنا طيب الافعال = عشق صفات(ن) بالمراجل جليله

ونعشق شجاع(ن) يسطر الضد لاعال = حر ٍ شبيهه بالمصاقر قليله

ونعشق كريم(نٍ) بالعسريرخص المال = كريم سبلا بالعطايا مثيله

ونعشق فهيم (ن) للمصاعيب حلال = رايه حكيم ولايشيل النجيله

وعبرت عن خافي ضميري بالامثال = والغايه تدرك مبتغاه الوسيله

واطلب ستر ربي على كل الاحوال = يالله تحماني من النفوس الرذيله

ممالامس احسااااااااااااااااااااس
تعااااند من يعاندها



لشاعره/ الشمــــريه المجهــــوله

قصيده جميلة

تسلمين

وتسلم على المرور يا سمو الفكر

صح لسان الشمرية


واشكرك على النقل

تسلم ي احلى ذوق

صح لسان الشاعره الشمريه

وتم التنسيق من قبلي أتمنى تنسيق القصيده مستقبلا

عدم التنسيق يفقد القصيده جمالها

شكراً تعاند
على الاضافه الرائعه
والشكر موصول لابو عمر على التنسيق

مجرد انسان اشكرك على المرور

ريم هلابك يالغلا شرفتي بمرورك

شكر على مرورك ابن جضعان وشكرعلى التنسيق
ولو اعرف نسقتها