يقولون ما للعبد بد عن المقسوم للشاعر .. راجح ال شامر العجمي ..

يقولون ما للعبد بد عن المقسوم= وأنا أقول صح ويقنع العبد مقسومه

عسى الله يعين اللي توافد عليه إهمـوم = هموم تخلي طبلة الراس منجومه

ترى والله انه مايكدر عليك النوم = سوى كلمة من بعض الاصحاب مسمومه

إليا جت من الغالين وإلا الرخوم رخوم = ولا أمحق من الغالي إليا شانت علومه

ضعاف الروابع تبتلش والقروم تشوم = ولاهي بلا شيمة ٍ من الشيم مليومه

ولا أزين من القاع الخلى والوجيه سلوم = ولا رفقة مع طول الايام ملغومه

ولا ألذ من عشرة شريف من أقصى القوم = يبادلك فعل الطيب معناه وسلومه

ولا شفت في جو الصداقه غبش وغيوم= عطيت الدروب اللي مع الارض مرسومـه

ولا مثل عز النفس لو مامعك مطعـوم= وعن أهل الشماته خل الاسرار مكتومه

معي لو سمحت شوي عقب عداك اللوم= أبعطيك عن بعض الرجاجيل معلومه

ترى اللاش لو وقف معك في حياته يوم = تشوف الردى متبين فيه من يومه

وأنا أقول لو إن في وجيه الرخوم وسوم = عرفنا نميز قيمة النذل بوسومه

علشان نجلس مع رجال الوفى و نقوم = ونبعد من اللي عند الاجواد مذمومه

وأنا أسمع مع أهل التجربة في الحياة علوم= بعضها صحيح وبعض الاخبار موهومـه

يقولون وكر الحر ما يعتليه البوم=وأنا شوف عيني وكر حر تحت بومهُ


للشاعر .. راجح ال شامر العجمي ..

صح لسان الشاعر
راجح ال شامر العجمي
وسلمت يا ذعذاع على الانتقاء
لاهنت

هلابــك ..

ولا أزين من القاع الخلى والوجيه سلوم = ولا رفقة بعد طول الايام ملغومه

المصدر : يقولون ما للعبد بد عن المقسوم للشاعر .. راجح ال شامر العجمي ..
اخي ذع ذاع الشمال الف شكر لك على النقل الجميل والذايقه الاجمل دائماً
هذه القصيده سبق ان نشرها هنا عبد العزيز النومان وكنت اضن انه اخطاء بهاذا البيت فعدلته ووجدته نسقها مره ثانيه ولم يعدله
فهل في هاذا البيت وبالتحديد العجز (الشطر الثاني ) ولارفقةٍ بعد طول الايام ملغومه ...اعتقد ان فيه هنا كسر وليس ثقل وهاذا مستحيل ان يحصل مع شاعر مثل هاذا او قد يكون خطاء مطبعي وهاذا مايعانيه منه اكثر الشعراء من الذين ينقلون عنهم الشعر
ولك اجمل تحيه واتمنا مشاركتي الراي من الاخوان الشعراء واهل النقد بهاذا الموضوع ولك اجمل تحيه مره ثانيه وثالثه والى الابد

هلا بالغالي القدير نواف تم عمل المطلوب

مشكور على الملاحظه