يقول الشاعر ( فواز نايف الخمعلي )
والله كني مالكن ملك قارون =مادام كنزي أبن داموك نايف
عرفه تجارة عن الفين مليون = الكامل الله كمله بالوصايف
هداج تيماءله الناس يردون = عداالروى مروي جميع الطوايف
مثل الحياذكره به الناس يدرون = طيبه رهاوي مايمد الضعايف
قول فعل ماهي سوالف يقولون = نايف على اسمه بقمة الطيب نايف
--------------------------------------------------------
ياخضير بن داموك راس على ســـاس = وارث منازل نازلــين الطويله
وراث فعول اهل النضا وقب الافراس = اسم يشرف حامـله والقـبـيـله
منسف وسيف ولبسة الدرع والــطاس = وردت حياض الموت فوق الكحيله
اذا شهرة العزوة والأرياق يبــاس = كم فرقوا مابين خل وخلـيـلـه
يالمعتزي في عزوت ترفع الـــراس = حرام ما يصل الرداء لك فصيله
مفراص من فولاذ مســـقى من الماس = شامان ثلمته شذرته مستـحيـله
ما نته ردي منطق ولا انت ردي باس = راس شجاع وكـف ماهي بخـيـلـه
ولك بالصداره عنــد الاخيار مجلاس = وحفظ الدلايل والجـزال الاصيلة
جملة فخر صيغـــت على ساس وقياس = من راس سمع وشاف واقع صقيـله
والكامــل الي عامر الارض بالناس = الناس كلا فيه عدلـه ومـيـلـه
والـعقل نور ومركز العقل الاحساس = والعروه الوثقى عمود الفضيله
الشاعر /مرزوق مبشر الحثل المزيني
-----------------------
نايف بنى بيته على راس نايــف= منزال ابوه ونايف البيــت يزهـــاه
بيت عشر اقطاب شغـل العــفايــف= يازين تفصـيله ويا زين مبنـــاه
بناه نايف بـين سبــع الطوايــف = مركزاهل الشيمه ومنصى اهل الـجاه
نايف على اسمه مايهاب الكلايـــف = وابوه ذاسلمه والبطـيــب وصـــاه
وبروز وصاة العود بين النحــايف = كن ابو نايف عندنايف ويــنخـــاه
ياليت ابو نايف لخو نـوف شــايف = فعلـه يشرف لا صدقــاه ودنايـــاه
عزم جمـل بالــواجبــات الردايف = وباس الغضــنفر عن جبـاماه وحـماه
وبرهانها ميقـاف ماهو خــفايــف =حـفظ له التاريــخ فعله وذكـــراه
طنــاه ماقــبل الحـلول النصايف =فـي ورث ابـوه من القليب المسـماه
ماجامل الشــامخ ولاهو بخايـــف = ماشــاف واغضـى ولا تـخاذل وخـــلاه
مــن راس نــايف وجــهن القذايف= عــلى الهـدف حتـى مع الارض سـاواه
وقــفةعــديم ثار ماهي لفايــف = حــددوجـدد ميــت المـلك واحيـاه
لوأن نايف قــال شايــف وعايــف =مأرضى اصدقاه بما قفه وأزعل اعداه
عن وصف نايف وش تقول الـوصــايف=الــي شــرحــنـا مـيـزة مـن مزياه
والميزه الاخرى طبـيعــه بنايــف= ماحاش حطه بــين قــدرة ومـركــاه
ثنتين في نايف بنـايــف ولايـــف= عــسـى الشـلل مايـشل فكره ويمناه
وذا تكلم كــلمتــه ماتــسايــف= ينـصـى الـهـدف ويـحطـمه ويـتوطاه
حصان مايدنق العوج الـــهدايــف= متــساوي عنــده زعــل ذاك ورأضاه
وذا جت من الراس العنيد المهايف=والله ان كن الذيــب عنــده ولد شـاه
وذا تحـدث بالعلـــــوم الطرايف=منطق رجل باسلوب نطـقه ومــعـنـاه
خريج معهد قاســيات الحــوايــف= وجــزر الــحياه ومـدها داه ودواه
عن قول ماكـــمل وعــن قول ضايف=الكامل اللي كون الكـون واحــصــاه
عشر وثمــان وســت عقب وحصــايف=عنوانهـن فاحـج هــديبــي وعرقــاه
الشاعر /مرزوق مبشر الحثل المزيني
------------------------------
هاذه القصيده لشاعر بجاد المقاطي قالها بعد ماكن هو وابن داموك جيران كل وقت
المقيض بالدبدبه فعندما دخل الوسم تفرقو فاشمل ابن داموك ومعه ستت اذواد من
جماعته الى فيحان والدهناء وبجاد ذهب جنوب الى الصمان فارسل هذه القصيده
مـن شـد ابن دامـوك ماني بسـالي= مدله مع الجـيران هـم والمـعازيب
خـلـيتـني يخـضـير كنـي الحـالي = وانـت الحـسـايف ياحـصان الأطاليب
هات القلم ياعلي انا اندان بالي = هات ابيـض الاقرطاس واكتـب مكاتيب
اكـتـب لبـن دامـوك ماض الفعالي= كلامـن احـلى من لبـن شـمخ النـيب
لخـضـير مـحـرق مكـرمات الـدلالي = شـوق البـنات المتـرفات الرعابـيب
خـيـال وضـحـن يبـعـدن المـفالي = طـفح الغـوارب زاهـيات الدباديـب
يرعابها قـفرن مـن النـزل خـالي = ولا طـبه الشـاوي كبـيـر الغـباغيـب
فيـه الحباري وام سـالـم اتـلالي = بقطـعان بـدون ينطـحـون الماجـيب
في راي ابن دامـوك نمـر العيالي= محـنـكن ماهـو بهيـبـن ولد هـيـب
يـشـهـد له التـاريـخ بول وتالي= ان حاز الحريب وعز من جاه بالطيب
الـلـه يفكـه مـن صـدوف اليـالي= فـي قدرت الي يعـلم السـر والغيب
الشاعر /بجاد بن جريذي المقاطي العتيبي
مجموعة قصائد قيلت بخضير ابن داموك الفريدي الحربي 
العرض العادي
