والخطر لو نعرفه مامشينا طريقه

يالدفاع المجند ضد نار الحرايق =جيتكم يالنشاما في ضميري حريقه
والسبايب عنود(ن) شفتها جنب سايق =كيف تركب مع السايق قبيح الخليقه
لدة العين في وغبت خمسة دقايق =قلت يابنت سكران الهوى من يفيقه
قالت انته تحب البوق وإلا انت بايق = كل ماشفت ورد(ن) قلت ابي من رحيقه
ينبت الورد لكن دونه الشوك عايق =وانتبه للسراب ولايغرك بريقه
قلت اشجع واحب الزين لاصار فايق =يوم كلن يشجع بالملاعب فريقه
مير ابي منك يابنت النشاما حقايق =علميني تراي احب قول الحقيقه
انت منت بسعودي لو طلبت الوثايق =مااعلم الغيب مير الشكل يعطي وثيقه
قالت العلم كنك بالضماير موايق =من ضبا نجد واسكن باالكويت الشقيقه
مير جينا نزور اللي علينا شفايق =عطلة(ن) والصديق يزور فيها صديقه
والصدف ماتشاور لاتون وتضايق =والخطر لو نعرفه مامشينا طريقه
قلت روحي عليله ماعليها لحايق =وألتفت للطريق وضف ضافي دليقه
راح زعلان مدري من تغليه رايق =إلتقينا دقيقه وإفترقنا دقيقه
الشاعر عوض ناصر الفريدي

تسلم اباصالح على النقل الرائع

تقبل أجمل التحايا

ابوماجد


الشاعر/ عوض بن ناصر الفريدي


صح لسان قصيده تحرك القلوب الخضر

أجل ألتقيتم دقيقه وأفترقتم دقيقه


لله درك على الشعر المميز أجمل تحيه وتقدير

صح لسان الشاعر
عوض بن ناصر ولاهنت ابو صالح على الاضافه

ابو عمر
ابو حمد
أشكركم بنيابه عن شاعر القصيدة
شكراً لكم على المرور المشرف والرائع

صح لسان الشاعر
عوض بن ناصر الفريدي ( ابو ماجد )
ولاهنت اخوي بن مطيع على النشر لهذا الشاعر
الغني عن التعريف الذي نحرص على متابعة قصائده
صح لسانه وعلا شأنه ولاهنت ابا صالح بل لك الشكر أيضاً
على الاضافه الرائعه الجزله
تحيتي

صح لسان الشاعر وسلمت اخوي على طرحك واختيارك المميز
مشكور

دمت وسلمت ابو صالح على روعة الاختيار ٠

وصحت معاني الشاعر عوض بن ناصر ٠

تحيتي وتقديري ٠

وردية جميلة ورائعه
صح لسان ابو ماجد ، عودنا على الجزاله
وشكرا ابو صالح على الاضافة الطيبة
لاعدمتك

الاخووووووووووه الكرام شرفني مروركم الرائع
الكل بأسمة
تقبلو مروري على مروركم

ياسلااااااااااااااااااااا ااااااااااااااااااااااااا اااااااااااااااااااااااام واللي يرحم والديكم يالمشرفين ثبتوها الى الابد هكذا الابداع وإلا فلا انا تكفيني عن القصيد شهر ماضي وشهر قادم

ابن مطيع يعطيك العافيه