من هجوس تغني الذوق عن بعض الهجوس للشاعر مساعد ربيع الرشيدي ,,

من هجوس تغني الذوق عن بعض الهجوس=يعلم الله كنها اللول يوم نصبها
كنها سرايت البرق ليا قامت تهوس=من يقول الله عليها نقول ابشربها
القصايد ما نساوم عليها بالفلوس=تفتخر فينا القصايد قبل نفخر بها
من خلقنا الله وحنا عزيزين النفوس=مانوطي شمخ الروس غير لربها
ماردينا والليالي لها وجه عبوس=خل يوم ان الليالي سميح دربها
ليا جهرنا بالمثايل ندوس الراي دوس=والدسايس بارد العين ما يجهر بها
ما نشدنا عن دنوع على الجره يحوس=يحسب انه صار حاجه وهو من جنبها
قدرنا عند النشاما مجرب ومحسوس=الرجال اللي على الدين مانبخل بها
التجارب علمتنا وصمينا الدروس=نعرف النفس الضعيفه ونعرف طبها
ينطفي سم الحيايا وهو تحت الضروس=يالله انك تختصرها على من شبها
البنادم لاتعافى على كفه يبوس=وش يبي باعراض الاجواد يوم يسبها
لايحسب ان المراجل تجي درباي روس=ينتبه من جمرة النار لا يلعبها

الشاعر مساعد ربيع الرشيدي ’’

صح لسان الشاعر مساعد ربيع الرشيدي
ولاهنت اخوي ذعذاع الشمال على الاضافه الرائعه
تحيتي

ياهلا بك ,,

الطيب عشاقه عيال الحمايل = وكلٍ بطيبه له طريقه ومسلاك

من قال.انا خير الملا ذاك عايل = غلطان ماعنده مدى فهم وادراك

لو طال ماعنف على كل طايل = مير الكلام الشاذلي لا عدمناك

طول المدى يظهر خفي الاصايل = وانته ليا طال المدى طالت خطاك

تستاهل أكثر يابو فيصل ,,

صح لسان الشاعر
مساعد الرشيدي ولاهنت اخوي ذعذاع على الاضافه

ياهلا بك ,,

الطيب عشاقه عيال الحمايل = وكلٍ بطيبه له طريقه ومسلاك

من قال.انا خير الملا ذاك عايل = غلطان ماعنده مدى فهم وادراك

لو طال ماعنف على كل طايل = مير الكلام الشاذلي لا عدمناك

طول المدى يظهر خفي الاصايل = وانته ليا طال المدى طالت خطاك

تستاهل أكثر يابوحمد ,,