محدى الهبداني يمدح عبد الكريم الجرباء

يا دار وين اللي بك العام كاليـوم

ما تقل مرك عقب خبري نجوعـي

خالٍ جنابك بس يلعى بـك البـوم

ما كن وقف بك من الناس دوعـي

شفت الرسوم وصار بالقلب مثلوم

وهلت من العبره غرايب دموعـي

وين الجهام اللي بك العام مـردوم

وظعون مع قدوة سلفها تزوعـي

أهل الرباع مزبنـة كـل مضيـوم

وأهل الرماح مظافرين الدروعـي

راحوا لنا عدوان وحنا لهـم قـوم

ولا ظنتي عقب التفـرق رجوعـي

وإن صاح صياح من الضد مزحوم

تجيـك دقـلات السبايـا فزوعـي

صفرن يكاظمن الأعنه بهـن زوم

يخلن سكـران المجانيـن يوعـي

يركب عليهن باللقاء كـل شغمـوم

فريس والله ما تهـاب الجموعـي

خيالهم ينطح مـن الخيـل حثلـوم

يوم الأسنه بالنشامـى شروعـي

ويا شيخ أنا عندك معزز ومحشوم

ويمضي علي العام كنه سبوعي

لاشك قلبي بالوفاء صار مـا سـوم

لربعي وانا يا شيخ منهم جزوعـي

وعيني لشوف الحيف ما تقبل النوم

والقلب يجزع بين هدف الضلوعي

ويا شيخ أبا وصفك يا مفني الكوم

يالصاطي القطاع حسن الطبوعـي

حلياك حرن يفني الصيـد ملحـوم

متفهق الجنحان حـرن قطوعـي

حرن علم بالصيد من غير تعلـوم

يودع بداد الريش شتـن مزوعـي


محدى الهبداني ..

لاهنت اخوي ذعذاع الشمال
على النشر وتمنيت لو ذكرت قصة القصبده
تحيتي

ياهلا بك حياك الله ,,