الحواجز

(( الحواجز ))




رحـمـتــك يالله تــرحــم ضـعـفـنــا
يوم غـم الجـو واخفيـت الجـدي


يــوم هـمـي فـــوق مـتـنـي مـتّـنـا
والسلام عصـوف ريـحٍ ترعـدي


والضـروف أكبـر مـن اللـي ودنــا
والفراق الحـل .. والحـل الـردي


لاحـيـاة .. ولامـمــات .. ولاهـنــا
فـي حنايـا الضيـم ألقـى مقعـدي


إن سهـرت الليـل مــس ومسكـنـا
وإن غفيت افلام رعـبٍ تحشـدي


صـايـرٍ مابـيـن مـظـلـومٍ .. وأنـــا
أختلفـت وودي أعـرف مولـدي؟


والـكــرم لـلـيـأس كــــأسٍ مــدنــا
نشـربـه لـوهـو عليـنـا يجـهـدي


وش نــســوي دام هــــذا حـظـنــا
والـحـواجـز مـاتـعـدى بـالـعـدي


مـيـر صـبــرك يالحبـيـبـه بالـعـنـا
أصبـري يـاروح روحـي وبعـدي


لايـهــمــك دن دنـــــات ودنــدنـــا
وبلبة حساد .. وأغضي وأرقدي


دام أنـــا وأنـتــي تــلاقــى جــدنــا
نلتـقـي لـوهـب ريـــح جـلـمـدي


قصيدة الحواجز للشاعر : ياسر التويجري

يعطيك العافيه ابو الرجال على الاضافه لاهنت

لاهنت اخوي ابو الرجال
وصح لسان الشاعر ياسر التويجري
شكراً لك الاضافه الرائعه
تحيتي

اخوي ابو حمد واخوي القدير ايو فيصل
مليون شكر لكما
على مروركما المعطر في مصفحي
دام تواجدكما