سبحان من سوى الاوادم من الحور. قصيدة للشاعر محمد الخس المطيري

قصيدة للشاعر الكبير محمد الخس المطيري



سبحان من سوى الأوادم من الحور
أنا شهد ان الله هو اللـي يسـوي

زول ٍ خلق من نور وبخدتـه نـور
نور من الخالق ماهو نور ضـوي

أدعج غنج خده به الملـح منثـور
تقـول بـدرٍ بـان بفتـوق نـوي

وعيون تذبح بالهوى كـل منعـور
سود ومضاليلٍ على القلب سـوي

نيشانهن رمانت القلـب ياسـرور
وحرابهن مـن دم قلبـي تـروي

هو مسرفٍ فيه وانا فيـه مجبـور
حبه ملا قلبـي وجوفـي وجـوي

من زود حبه كن كل البنـي عـور
لا غاب عني قمـت ادوج وأهـوي

أبو جديل اشقر على المتن منشور
يا هني من بيديـه فيـه أمتلـوي

أنكان شدوا يـم وسميـة الثـور
واحسرتي لا قالـوا البيـت طـوي

وان مت من (.........) معذور
اللـي عليـه هالزمـان امتكـوي

ولوهو عطاني صاحبي كبر الأظفور
قلت الدوا منك ، وعلى الله بـروّي

الشاعر محمد بن خلف الخس
شاعر غني عن التعريف وقد اسماه الامام
عبدالعزيز بن عبدالرحمن آل سعود بالبستان
لاهنت اخوى ذعذاع الشمال على الاضافه الرائعه
تحيتي

ياهــــلا بـــك

كم راقت لي هذه الرائعه التي تعد من روائع الشاعر الكبير محمد الخس
اشكرك على هذه الذائقه الجميله التي اقتنت لنا الدره الفريده

ياهلا بك الله يحييك